“Bunu böyütməyə ehtiyac yoxdur, heç bir şey olmayıb. Tələbənin borcu var, gətirsin ödəsin”.

Bu sözləri Kulis.az-a Azərbaycan Dövlət Mədəniyyət və İncəsənət Universitetinin rejissor və aktyor sənəti kafedrasının professoru Gülşad Baxşıyeva söyləyib.

Xəbər verdiyimiz kimi Azərbaycan Dövlət Mədəniyyət və İncəsənət Universitetində təhsil haqqının qalanını ödəməyən tələbələrin adları bir kağıza yazılaraq, təhsil ocağının divarlarından asılıb. Bu məsələyə münasibət bildirən G.Baxşıyeva daha sonra bunları əlavə edib.

Mən xəstələnmişdim, təzyiqim qalxmışdı. Bir də gördüm bütün kanallar zəng edirlər ki, Gülşad xanım bu mövzuda fikir bildirin. Mən də dedim ki, vəziyyətim yaxşı deyil, ölürəm bir dənə tabutum çatışmır. Daha sonra danışaram. Onlar da götürüb mənim dilimdən yazdılar. Xəbəri görəndə bütün dost-tanış, qohum əqrəba şok keçirdik. Ona görə də mən sizə heç nə danışmaq istəmirəm.

Bunu böyütməyə ehtiyac yoxdur. Heç bir şey olmayıb. Tələbənin borcu var, gətirsin ödəsin. Qurtardı, getdi. Bu universitet daxilində baş verən şeydir. Açığı mən iki gündür işə çıxıram. Bu söhbətlərdən xəbərim yoxdur. Mən görməmişəm belə bir şey. Sizin fikirlərinizə əsasən deyirəm.

Burda nə var ki? Tələbə ödənişini ödəməlidir. Bir ay möhlət verərsən, iki ay verərsən, üç ay verərsən, lap bir il. Mən sizə sual verirəm. Belə şey olar ki, tələbə ödənişini ödəməsin? Neynəməlidir? Valideyninə də deyirik, kursun rəhbərinə də deyirik. Gətirib ödəmirlər Sərt şəkildə bizə qarşı çıxırlar ki, “ödəyərəm də!” Belə yanaşma düzgün deyil. Vaxtında pulunu ödəsəydilər, belə şeylər də olmazdı. Vəssalam.

• "Oskar-2025"in qısa siyahısı açıqlandı
• Elçilikdən sonra məni dəlixanaya apardılar
• Ədəbiyyatımızın əsası lağlağıyla qoyulub - Milli dəyərlər necə məhv edilir?