Noyabrın 15-i dəm qazından zəhərlənərək dünyasını dəyişən şair, esseist Rauf Ranın rəsmləri, şəkilləri, esselərindən ibarət kitab çap olunacaq.

Kulis.az xəbər verir ki, bu barədə gənc yazıçı Nadir Yalçın öz feysbuk hesabında məlumat verib:

“Rauf Ranın şeirlərini, rəsmlərini, esselərini və haqqında yazılanları bir yerə yığıb kitab halında nəşr etdirmək qərarına gəlmişəm. Niyyətimi "Qanun" nəşrlər evinin rəhbəri Şahbaz Xuduoğlu ilə bölüşdüm və o, bu təşəbbüsümü dəstəklədi, kitabı təmənnasız çap edəcəyini bildirdi. Buna görə ona minnətdarlığımı bildirirəm.

Çalışacağam ki, Raufun müxtəlif illərdə yazdığı şeirlərin hər birini əldə edim. Ailəsi ilə də bu barədə danışmışam. Dostluğumda olan qələm adamlarından xahiş edirəm ki, kimdəsə Rauf Ranın şeirləri, çəkdiyi rəsmlərin fotoları varsa, mənə yönləndirsin. Həmçinin, zəhmət olmasa, Rauf Ra haqqında kimsə esse, məqalə, ölümündən sonra anım yazısı yazıbsa və yazmaq barədə fikri varsa, tam hazır şəkildə [email protected] imeyl ünvanına yollasın.

2025-ci ilin ilk rübündə kitab işıq üzü görəcək. 2025-ci ilin yanvar ayının sonuna qədər kimdə bu təşəbbüsə uyğun material varsa, xahiş edirəm ki, qeyd etdiyim imeyl ünvanına göndərsin”.

• Azərbaycanlı iştirakçı ilk üçlükdə
• "Xeyirxah şahzadənin hədiyyəsi" - Lənkəranda
• Nizami Cəfərov: Müasir Azərbaycan şairlərini hamı başa düşürsə, deməli, o, şair deyil