Britaniyalı pop ulduz Ed Şiran müvəqqəti olaraq səhnədən getdiyini açıqlayıb.
Kulis.az xəbər verir ki, bu barədə Böyük Britaniyanın "Daily Mail" nəşri məlumat yayıb.
Məşhur musiqiçi ABŞ-nin Arizona ştatının Qlendeyl şəhərində baş tutan konserti zamanı sevənlərinə səslənərək ailəsi naminə karyerasına fasilə verdiyini deyib.
Sənətçi həyatındakı dəyişən prioritetlərə işarə edərək bu qərarını belə izah edib:
"Bu, mənim səhnəyə sonuncu çıxışımdır. Yəqin ki, bu turdan sonra fəaliyyətimə fasilə verəcəyəm və diqqətimi atalıq vəzifələrimə yönəldəcəyəm".
Şiranın məktəb illərindəki sevgilisi Çerri Sibornla evliliyindən bir oğlu və bir qızı böyüyür. Nəşrin iddiasına görə, musiqiçi 2026-cı ilin yanvar ayında Yeni Zelandiyadan başlayan dünya turunun ilk günündən bəri ailəsini görməyib və onlardan uzaq düşüb.
Qeyd edək ki, sənətçi bir müddət əvvəl mətbuatda yayılan boşanma şayiələrinə də kəskin reaksiya verərək öz evliliyini və ailəsini müdafiə etmişdi.
Xatırladaq ki, "Spotify" musiqi xidmətinin statistikasına əsasən, Ed Şiranın qlobal dinləyici kütləsi hazırda təxminən 86 milyon nəfər təşkil edir. Musiqiçinin ən böyük hitlərindən biri olan "Shape of You" mahnısı isə indiyədək pərəstişkarları tərəfindən 5 milyarda yaxın dinlənilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
