Düşün, bil ki, o çadra, bayquş qanadlı çadra - Mikayıl Müşfiqin şeiri

Düşün, bil ki, o çadra, bayquş qanadlı çadra - Mikayıl Müşfiqin şeiri
17 oktyabr 2023
# 19:00

Kulis.az Mikayıl Müşfiqin "Çadralı qızlarımıza" şeirini təqdim edir.

Sizə indi diyorlar: – Çıxınız bu örtüdən,
Qovunuz üzünüzdən bu məlun buludları.
Bunların fərqi yoxdur acı bir üzüntüdən,
Parçalayıb yırtınız bu köhnə yadigarı.

Bu xitabı bəlkə siz xoşlayıb bəyəndiniz.
Qəlbinizdə titrədi şəfəqlənən arzular,
Bəziniz də çarşafı yandırıb sevindiniz,
Fəqət bunu başında daşıyan daha çox var.

Bir çoxu anasından, bir çoxu babasından
Qorxaraq bu çizgini sürükliyor peşincə.
Bəzi əskidən əski olan əqrabasından
İstəmiyor eşitsin hər ağız sözü, məncə.

Yaxşı qız! Bəlkə sən də utanaraq məhlədən
Vida etmiyorsın o zülmətin övladına?
Qorxmadasın bir xətər toxunar qanadına,
Fəqət bu deyil bizə yaşayışı öyrədən.

Qaya uçdumu, əlbət, toz qopacaq yerindən,
Buludlar sıxılınca ildırımlar guruldar.
Qoy onlar nə dər desin, sənin əməllərində
Möhtəşəm dənizlərin çiçəkləri parıldar.

Düşün, bil ki, o çadra, bayquş qanadlı çadra
Şərqin qaranlıq, siyah mühitindən toxunmuş.
Aləm dəyişmiş indi, o Şərq hara, sən hara?
Mərsiyəsi o Şərqin çünki çoxdan oxunmuş.

Təbiidir ki, ay qız, yaz ayları gəlincə
Yarpaqlanıb pərdədə qalmaz örtülü qönçə.
Rəvamıdır yurdunun açıq bir səhərində
Dalğalansın bir bahar buludu gözlərində?!

Həyatın səslərindən kəsb edərək iqtidar,
Bu qaynar məmləkətdə qoş, oyna, sıçra, hayqır!
Onsuz da həyat adlı, çəlik barmaqlı rüzgar
Başınızdan çarşafı götürüb qaçacaqdır.

# 1295 dəfə oxunub

Oxşar xəbərlər

Xalq artisti xəstəxanaya yerləşdirilib? - Açıqlama

Xalq artisti xəstəxanaya yerləşdirilib? - Açıqlama

18:42 7 aprel 2025
Mübariz Tağıyev:  "Onun oğlunun toyunda oxumağım üçün bir maşınlıq pul təklif etdilər" - Müsahibə

Mübariz Tağıyev: "Onun oğlunun toyunda oxumağım üçün bir maşınlıq pul təklif etdilər" - Müsahibə

18:35 7 aprel 2025
Bütün "xalalar" Veneradan gəlib, bütün fahişələr yadellidir - Cəlil Cavanşir

Bütün "xalalar" Veneradan gəlib, bütün fahişələr yadellidir - Cəlil Cavanşir

18:20 7 aprel 2025
"Molla Nəsrəddin" necə Allahsızlar İttifaqının orqanına çevrildi?

"Molla Nəsrəddin" necə Allahsızlar İttifaqının orqanına çevrildi?

17:50 7 aprel 2025
Mədəniyyət abidələrinə pasport veriləcək

Mədəniyyət abidələrinə pasport veriləcək

17:40 7 aprel 2025
"Konsertinə getmədim, çağırmamışdı" - Elməddin Cəfərov

"Konsertinə getmədim, çağırmamışdı" - Elməddin Cəfərov

17:29 7 aprel 2025
#
#
# # #