Bu gün Xalq şairi Söhrab Tahirin anım günüdür. Kulis.az bu münasibətlə onun "Öləndə" adlı şeirini təqdim edir.

Öləndə…

Öləndə kəfənim ikiqat olsun,
Mən həm o tayınam, həm də bu tayın.
Qoy bütün dünyaya belə yayılsın,
Öləndən sonra da birlik harayım.

• Qələbəmizi urvatdan salan qazilər
• “DokuToor” layihəsi yekunlaşdı
• “Yaradıcı Azərbaycan” tədbiri keçiriləcək

Öləndə kəfənim ikiqat olsun,
Ruhum o taydadır, qəbrim bu tayda.
Dözümlü xalqıma heykəl qoyulsun,
Ortadan qurumuş bir dəli çayda.

Bir gün xalqım üçün şairləşəndə,
Şair torpağıma quylanacağam.
Vətən birləşəndə,
Xalq birləşəndə,
Mən də öz qəbrimdən boylanacağam.

• Qələbəmizi urvatdan salan qazilər
• “DokuToor” layihəsi yekunlaşdı
• “Yaradıcı Azərbaycan” tədbiri keçiriləcək