Firidun bəy Köçərli adına Respublika Uşaq Kitabxanasında “Doğma mahnılar” adlı kitabın təqdimatı olub.

Kulis.az xəbər verir ki, kitab uşaq mahnılarından, onların notları və sözlərindən ibarətdir.

Kitabın ideya müəllifi və layihə rəhbəri teleaparıcı və jurnalist Aysel Zahidqızı təqdimat mərasimində mahnıların hamıya doğma gələcəyini, hər kəsin ürəyini fəth edəcəyini bildirib: “Əminəm ki, bu kitabda hər bir uşaq özünə yaxın və doğma olan mahnını tapacaq. Çünki kitabda yer alan mahnılar bizim uşaqlığımızın xatirəsidir”.

• "Yeşilçam"ın məşhur aktrisası vəfat edib
• Səhv düşəndə yerimiz - Qabil
• Növbəti "Fil adam" o olacaq

Kitabda yer alan hər bir mahnı rəngarəng və fərqli olduğu qədər, həm də rəssam Səbinə Vəzirova tərəfindən çəkilmiş bir-birini tamamlayan illüstrasiyalarla təqdim olunur.

Həmçinin nəşrdə uşaqların diqqətini, yaddaşını yoxlamaq üçün suallar da yer alıb. Bundan əlavə, “Doğma mahnılar” kitabında yutub səhifəsi qeyd olunub.

Təqdimatda iştirak edən uşaqlar kitabda yer alan uşaq mahnılarını müxtəlif musiqi alətlərində ifa ediblər.

• "Yeşilçam"ın məşhur aktrisası vəfat edib
• Səhv düşəndə yerimiz - Qabil
• Növbəti "Fil adam" o olacaq