Cinsi təcavüz və insan alverində ittiham olunduğu üçün həbs edilən "Pi Diddi" ləqəbi ilə tanınan məşhur reper Şon Con Kombsun həbsxana kamerasına basqın edilib.

Kulis.az xəbər verir ki, FTB (Federal Təhqiqat Bürosu) orada axtarış aparıb.

İfaçının vəkili Mark Aqnifilonun sözlərinə görə, basqın nəticəsində FTB Diddidən məxfi materiallar, o cümlədən repçinin vəkillərə qarşıdakı məhkəmə prosesi üçün müdafiə strategiyasını əks etdirən qeydlərini ələ keçirib. FTB ələ keçirilən materialları məhkəmədə istifadə edə bilsinlər deyə prokurorlara təhvil verib.

Vəkil büronu ABŞ Konstitusiyası əsasında Diddinin hüquqlarını pozmaqda ittiham edib. Vəkil federal xidmətin axtarışın səbəbininin izahını və hansı materialların prokurorluğa təhvil verildiyini açıqlamasını istəyib.

Xatırladaq ki, 2023-cü ilin noyabrında reperin keçmiş sevgilisi Kessi P.Didi illərlə cinsi və fiziki zorakılıqda ittiham etsə də, 24 saatdan sonra o, iddiasını geri götürmüşdü. Daha sonra internetdə onun döyülməsinin amansız görüntüləri yayılıb. Martın sonunda sənətçinin evində genişmiqyaslı axtarışlar aparılıb, nəticədə qadağan olunmuş maddələr, silahlar və mindən çox butulka sürtkü materialı aşkar edilib. İddialara görə, prodüser onlardan başqa şeylərlə yanaşı, seks məclislərində də istifadə edib. İndi o, Nyu-Yorkun ən pis həbsxanalarından birində saxlanılır.

Son illərin ən səs-küylü işlərindən biri üzrə məhkəmə prosesi 2025-ci il mayın 5-nə təyin edilib.

• Gənc musiqiçilərimiz Azərbaycan musiqisini TikTok-da necə tanıdırlar?
• "Kral uduzarsa" serialı başlayır - Treyler
• Dünya şöhrətli dirijor Filarmoniyada