Amerikalı qalmaqallı reper P. Diddinin (əsl adı Şon Kombs) həbs cəzasının müddəti növbəti dəfə azaldılıb.
Kulis.az xəbər verir ki, bu barədə ABŞ həbsxanalarının rəsmi məlumat bazasına istinadən "RİA Novosti" məlumat yayıb.
Yenilənmiş qeydlərə görə, P. Diddy fevralın 23-ü əvəzinə, 8 fevral 2028-ci il tarixində həbsxanadan azadlığa buraxılacaq.
Sənətçinin cəza müddətinin ilkin tarixi 8 may 2028-ci il olaraq təyin edilmişdi.
Məhkəmə hökmü və ittihamlar
Ötən ilin oktyabr ayında Nyu-York məhkəməsi reperi 4 il 2 ay müddətinə azadlıqdan məhrum edib.
Münsiflər heyəti sənətçini insanları fahişəliyə cəlb etmək məqsədilə daşıma (insan alveri) ilə bağlı iki ittiham üzrə təqsirli hesab edib.
Bununla belə, məhkəmə reperi reketçilik və cinsi istismar məqsədilə zorakı köçürmə ittihamları üzrə günahsız hesab edərək ona bəraət verib.
Vəkillərin qeyri-adi müdafiə taktikası
Ötən aprel ayında sənətçinin hüquq müdafiəçiləri çıxarılan hökmdən ABŞ-nin İkinci Apellyasiya Dairəsi Məhkəməsinə şikayət etməyi planlaşdırırdılar. Reperin vəkilləri münsiflər heyətinin bir çox ağır və mühüm ittihamlar üzrə bəraət qərarı verdiyini əsas gətirərək kəsilən cəzanın reallıqdan uzaq və həddindən artıq sərt olduğunu iddia edirlər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər