Orxan Fikrətoğlu: “Əsgərimiz yeni Azərbaycan coğrafiyasını yaradır”

Orxan Fikrətoğlu: “Əsgərimiz yeni Azərbaycan coğrafiyasını yaradır”
5 noyabr 2020
# 10:09

“Bu gün Azərbaycan əsgəri qarış-qarış torpağı almaqla yeni Azərbaycan coğrafiyasını yaradır”.

Bu sözləri Kulis.az-a tanınmış yazıçı Orxan Fikrətoğlu son vaxtlar cəbhədə gedən döyüşlərdən danışarkən bildirib.

“Uzun illər Azərbaycan jurnalistikasında bu və ya digər halda xüsusi elektron mediasında layihələr həyata keçirmiş insan kimi həmişə müharibə tərəfdarı olan bəlkə də yeganə jurnalistlərdən biriyəm. Bu gün mənim arzularım gerçəkləşir. Azərbaycan əsgəri əlində silah, illərdir boşboğazcasına danışan bəzi üzdən iraq ziyalıların, tarixçilərin, yalançı vətənpərvərlərin, əslində müəyyən ölkələrin, qüvvələrin təsiri altında bəhs etdiyim dırnaq arası ziyalıların əksinə olaraq əlində silah Qarabağı qarış-qarış azad eləyir. Azərbaycan tarixini ilk dəfədir, mənim gördüyüm paradiqmadan baxanda əsgər yazır. Bizim torpaqları bölmürlər, Gülüstandan bu yana. Bu gün Azərbaycan əsgəri qarış-qarış torpağı almaqla yeni Azərbaycan coğrafiyasını yaradır. Yeni Azərbaycan mənəviyyatını yaradır.

Orxan Fikrətoğlu daha sonra bunları əlavə edib:

“Yeni azərbaycanlı qalib azərbaycanlıdır. Vətənini sevən azərbaycanlıdır, qorxaq deyil, mərddir, məğrurdur, sona qədər savaşmağa qadirdir.

Biz Osmanlı türkcəsinə yaxınlaşırıq. Biz qalib əsgər mifini cəmiyyətə oturdacağıq. Çünki, qalib əsgər mifini ədəbiyyata da, kinoya da oturdacaq bir ərəfədəyik. Bu isə tamamilə realist yanaşmadır. Qaçaq Nəbi, Koroğlu idi qəhrəmanlarımız. Olar, hansı kəndi azad ediblər? Hansı coğrafi ərazidə vuruşublar? Amma bu gün bizim konkret qəhrəmanımız Azərbaycan əsgəridir. Ərazisini düşməndən, terrordan, beynəlxalq terrordan, təhdidlərdən qoruyan mərd Azərbaycan əsgərləridir. Bu gün əsgər tarix yazır!”

# 3061 dəfə oxunub

Oxşar xəbərlər

Elton Con korluğundan danışdı: "Oğullarımla idman yayımları izləyə bilmirəm"

Elton Con korluğundan danışdı: "Oğullarımla idman yayımları izləyə bilmirəm"

16:00 5 aprel 2025
"Bu adamları kim işə götürüb?" - Mədəniyyət Nazirliyinin müəllim qalmaqalı

"Bu adamları kim işə götürüb?" - Mədəniyyət Nazirliyinin müəllim qalmaqalı

15:06 5 aprel 2025
İnqilabçı sevgi şeiri yazarmı? - Qismət Rüstəmov

İnqilabçı sevgi şeiri yazarmı? - Qismət Rüstəmov

13:17 5 aprel 2025
Asəf Zeynallı kimdir?

Asəf Zeynallı kimdir?

13:00 5 aprel 2025
Lənkəran Dövlət Teatrına yeni təyinat

Lənkəran Dövlət Teatrına yeni təyinat

12:01 5 aprel 2025
Şuşa Teatrına yeni təyinat

Şuşa Teatrına yeni təyinat

10:43 5 aprel 2025
# # #