“Bu gün hamı şuşalıdır” - Fərhad Bədəlbəyli qələbə sevincini bölüşür

“Bu gün hamı şuşalıdır” - Fərhad Bədəlbəyli qələbə sevincini bölüşür
9 noyabr 2020
# 12:10

“Şuşaya gedəndə ilk baş çəkəcəyim yer Cıdır düzü, İsa bulağı, Bülbülün və Üzeyir bəyin ev muzeyi olacaq.”

Bu sözləri əslən Şuşadan olan görkəmli bəstəkar, Xalq artisti Fərhad Bəsəlbəyli kulis.aza açıqlamasında bildirib:

“Bilirsiniz ki, Şuşa musiqimiz, ədəbiyyatımız, mədəniyyətimiz üçün nə qədər böyük əhəmiyyət kəsb edir. Biz Şuşasız 28 il yaşadıq. Bu bizim ən çətin illərimiz idi. Son illərdə isə bizim ümidimiz çox zəiflədi. Ancaq şanlı, müzəffər ordumuz böyük şücaət göstərərək düşməni darmadağın edib Şuşanı qaytardı. Bu tarixi bir hadisədir. Ona görə ki, iki yüz illik tariximizdə biz torpaqlarımızı itirirdik. Amma indi tamam başqa bir zaman gəlib çatıb. Biz bütün torpaqlarımızı qaytarırıq, hətta mən ümid edirəm ki, bəlkə Zəngəzuru da qaytardıq. İndi biz Murad Adıgözəlzadə ilə birlikdə maşınla qəbirüstünə gedirik. Üzeyir bəyə, Rəşid Behbudova, Süleyman Ələsgərova, Vasif Adıgözəlova, Fikrət Əmirova gül-çiçək aparırıq. Qoy, onların da ruhu şad olsun. Onlar bilsin ki, Şuşa azaddır. Biz bunu özümüzə borc bildik, bunu mütləq etməliyik”.

Xalq artisti sonda nikbin danışıb:

“Xalqımızı təbrik edirəm. Bu gün hamı, Azərbaycanın bütün vətəndaşı şuşalıdı. Prezidentimizin dəmir yumruğunu göstərməsi bütün düşmənlərimizə işarə idi ki, bizə sataşmayın.

Şuşaya gedəndə ilk baş çəkəcəyim yer Cıdır düzü, İsa bulağı, Bülbülün və Üzeyir bəyin ev muzeyi olacaq. İlk olaraq bu ocaqları görmək istərdim. Çünki Bülbülün evini sonuncu dəfə görəndə kədərləndim. Ora darmadağın olmuş tifağa çevrilmişdi. Dünən Poladla da danışdım. O, deyirdi ki, mütləq evimizi də bərpa edərik, musiqi məktəbi də tikərik. Kim bilir, bəlkə tamamilə Şuşaya köçdük.”

# 2005 dəfə oxunub

Oxşar xəbərlər

ADU-da “Payızın ortası” – Çin bayramı qeyd olunub

ADU-da “Payızın ortası” – Çin bayramı qeyd olunub

18:00 19 sentyabr 2024
Laçın şəhərində “Arşın mal alan”  filminin nümayişi baş tutacaq

Laçın şəhərində “Arşın mal alan” filminin nümayişi baş tutacaq

17:10 19 sentyabr 2024
Qərbi Azərbaycandakı soyqırımlarından bəhs edən kitab təqdim edildi

Qərbi Azərbaycandakı soyqırımlarından bəhs edən kitab təqdim edildi

16:30 19 sentyabr 2024
Yaponiyada yaşayan ukraynalı Polina hamını təəccübləndirir – Ekstra Müsahibə

Yaponiyada yaşayan ukraynalı Polina hamını təəccübləndirir – Ekstra Müsahibə

15:41 19 sentyabr 2024
"Musiqinin gücü"  layihəsi Milli Musiqi Gününə həsr olundu

"Musiqinin gücü" layihəsi Milli Musiqi Gününə həsr olundu

15:21 19 sentyabr 2024
Antiterror əməliyyatı ilə əlaqədar virtual kitab sərgisi hazırlandı

Antiterror əməliyyatı ilə əlaqədar virtual kitab sərgisi hazırlandı

15:04 19 sentyabr 2024
# # #