Cəmil Quliyev Kino Agentliyinin Müşahidə Şurasına sədr təyin olundu

Cəmil Quliyev Kino Agentliyinin Müşahidə Şurasına sədr təyin olundu
2 may 2025
# 14:52

Mədəniyyət Nazirliyinin tabeliyində fəaliyyət göstərən Azərbaycan Respublikasının Kino Agentliyinin (ARKA) Müşahidə Şurasına sədr təyin edilib.

Kulis.az xəbər verir ki, Mədəniyyət naziri Adil Kərimlinin əmri ilə bu vəzifəyə kinorejissor, Əməkdar incəsənət xadimi Cəmil Quliyev təyinat alıb.

Qeyd edək ki, Cəmil Quliyev 1963-cü ildə Bakı şəhərində anadan olub. 1984-cü ildə Moskva şəhərində Ümumittifaq Kinematoqrafiya İnstitutunu kinorejissor ixtisası üzrə bitirib. 1984-cü ildən "Azərbaycanfilm" kinostudiyasında quruluşçu rejissor kimi çalışıb, bir çox sənədli və bədii filmlərə quruluş verib.

2006–2013-cü illərdə Azərbaycan Dövlət Film Fondunun direktoru, 2011–2013-cü illərdə “Mədəniyyət” kanalına, 2013–2018-ci illərdə İctimai Televiziya və Radio Yayımları Şirkətinə rəhbərlik edib.

O, eyni zamanda bir müddət Azərbaycan Respublikası Kinematoqrafçılar İttifaqının icraçı katibi işləyib. 2018–2019-cu illərdə Mədəniyyət Nazirliyinin Kinematoqrafiya şöbəsində Filmlərin qeydə alınması, təbliği və yayımı sektorunun müdiri olub. 2019–2020-ci illərdə "Azərbaycanfilm" kinostudiyasının direktoru vəzifəsində çalışıb. 2020-ci ildən Azərbaycan Dövlət Film Fondunun direktorudur.

2005-ci ildə "Əməkdar incəsənət xadimi" fəxri adına, 2018-ci ildə 3-cü dərəcəli “Vətənə xidmətə görə” ordeninə layiq görülüb.

# 530 dəfə oxunub

Oxşar xəbərlər

Kanye Vestin iştirakına görə Rubikon Festivalı ləğv edildi

Kanye Vestin iştirakına görə Rubikon Festivalı ləğv edildi

18:37 11 iyul 2025
“Bülbülün qonaqları”  layihəsində Səməd Vurğun yad edildi

“Bülbülün qonaqları” layihəsində Səməd Vurğun yad edildi

18:30 11 iyul 2025
Castin Biber iş başında: Yeni albomunu təqdim etdi

Castin Biber iş başında: Yeni albomunu təqdim etdi

18:15 11 iyul 2025
Məşhur musiqiçi vəfat etdi

Məşhur musiqiçi vəfat etdi

18:01 11 iyul 2025
Maykl Manna Lümyer mükafatı  veriləcək

Maykl Manna Lümyer mükafatı veriləcək

17:48 11 iyul 2025
Əcnəbi səyyahlar “Yurd Qalareyası”nda

Əcnəbi səyyahlar “Yurd Qalareyası”nda

17:31 11 iyul 2025
#
#
# # #