Bu gün görkəmli rejissor Peter Uirin doğum günüdür. Kulis.az bu münasibətlə rejissorun 5 filmini təqdim edir.

Dead Poets Society

Uelton Akademiyası mühafizəkarlığın və ortodoksluğun dominant olduğu bir məktəbdir. Ancaq yeni ingilis dili müəllimi Con Kitinqin (Robin Uilyams) gəlişi hər şeyi dəyişəcək.

Witness

7 yaşlı Samuel Lap anası Reyçel ilə Filadelfiyaya səyahət edir. Samuel qatarda gözləyərkən, amansız bir qətlin şahidi olur. Polis Con Buk hadisəni araşdırarkən, qətlin şahidi Samuel və anasının təhlükədə olduğunu öyrənir.

Gallipoli

İki atletin dostluğu könüllü olaraq Birinci Dünya müharibəsinə qatılmalarından sonra da davam edir. Onlara heç bir dəxli olmayan Geliboluya — Çanaqqala müharibəsinə göndərilirlər. Türk əsgərlərinin mübarizəsini görən dostlar çıxılmaz vəziyyətə düşürlər.

Master and Commander: The Far Side of the World

Napoleon dövrüdür. Kapitan Cek Obri öz heyəti ilə açıq dənizdə fransız və ispanlarla döyüşür. Bir müddət sonra gəminin həkimi Stiven Maturinlə birgə dünyanı araşdırmaq üçün yola çıxırlar.

Picnic at Hanging Rock

1900-cü illərin əvvəllərində bir qız məktəbinin şagirdləri "Hanging Rock" adlı dağlıq bölgəyə səyahət edir Bir müddət sonra üç şagird və bir müəllim yoxa çıxır. İndi hər kəsin əsas məqsədi onları tapmaqdır. Ancaq nə qədər axtarsalar da, tapa bilmirlər. Onlar haradadır?

• 8000 illik nadir gil fiqur aşkarlandı
• Məşhur maskot yeni filmdə baş rolda
• 1100 illik ətir şüşələri tapıldı