Buker mükafatının qalibi açıqlanıb.

Kulis.azın rus mətbuatına istinadən verdiyi xəbərə görə, laureat Cənubi Afrika yazıçısı Deymon Qolqut olub. O, “Vəd” romanına görə Buker mükafatına layiq görülüb.

Londonda BBC Radio Teatrında keçirilən mərasimdə əsas mükafatı qəbul edən Deymon Qalqut "Mən həqiqətən, təvazökarlıqla minnətdaram" sözlərini deyib .

• Meqan Marklın yeni proqramı - "Sevgilərlə, Meqan"
• Azərbaycanın "Avroviziya 2025" təmsilçisinin ilk canlı çıxışı oldu
• Elton Con korluğundan danışdı: "Oğullarımla idman yayımları izləyə bilmirəm"

Qalqut 1957-ci ildə Cənubi Afrikada anadan olub . “Vəd” romanı onun sayca doqquzuncu romanıdır. Roman Cənubi Afrikada aparteid dövründə ağdərili fermerlər ailəsi ilə onların qara qulluqçusu arasındakı münasibətdən bəhs edir.

Xarici tənqidçilərin fikrinə görə Qalqut Uilyam Folkner, Virciniya Vulf və hətta Ceyms Coysun ənənələrini davam etdirir . O, iki dəfə 2003 və 2010-cu illərdə Bukerə namizəd olub.

Qalib 50 min funt-sterlinq (68,2 min dollar) pul mükafatı alıb.

Buker mükafatı ingilis ədəbiyyatı dünyasının ən nüfuzlu mükafatlarından biridir. 1969-cu ildən bəri Böyük Britaniya , İrlandiya , Avstraliya , Yeni Zelandiya , ABŞ , Kanada , Cənubi Afrika , Nigeriya , Trinidad və Tobaqo , Hindistan və Yamayka kimi ölkələrin ingilisdilli yazıçılarına layiq görülüblər .

• Meqan Marklın yeni proqramı - "Sevgilərlə, Meqan"
• Azərbaycanın "Avroviziya 2025" təmsilçisinin ilk canlı çıxışı oldu
• Elton Con korluğundan danışdı: "Oğullarımla idman yayımları izləyə bilmirəm"