Kulis.az Vaqif Səmədoğlunun "Eşidirsənmi?" şeirini təqdim edir.

Eşidirsənmi?
Amma necə eşidəsən...
İki il,
yeddi ayın ayrılığıyla
tutulub qulaqlarımız,
Bir yandan da bu yağış...
Bu yağışda canavarlar da
adam olub yorğan-döşəyə
girmək istəyirlər.
Görürsənmi?
Amma necə görəsən...
Qurtarmayıb hələ də
aramızdan keçən qatarın vaqonları.
Bir yandan da bu yağış...
Bu yağışda qorxudan
səs-səsə verib bar-bar bağırır
Qobustan qayalarının öküzləri də!
Eşidirsənmi?
amma necə eşidəsən...
İki il,
yeddi ayın ayrılığıyla
tutulub qulaqlarımız
bir yandan da bu yağış...

1964

• Azərbaycan elminin əqidə şəhidi - O niyə özünə qəsd etmişdi?
• Həsən Kür palataya köçürülüb, vəziyyəti stabildir - Foto
• Ona mütləq büst qoyulmalıdır! - Dövrümüzün Mirzə Cəlili Elgiz Əkbər

• Azərbaycan elminin əqidə şəhidi - O niyə özünə qəsd etmişdi?
• Həsən Kür palataya köçürülüb, vəziyyəti stabildir - Foto
• Ona mütləq büst qoyulmalıdır! - Dövrümüzün Mirzə Cəlili Elgiz Əkbər