"Bu hesaba 4500 dollar köçürün, sonra danışaq" - Yalçın İslamzadə İlbər Ortaylıdan yazdı

"Bu hesaba 4500 dollar köçürün, sonra danışaq" - Yalçın İslamzadə İlbər Ortaylıdan yazdı
14 mart 2026
# 12:55

Kulis.az Yalçın İslamzadənin dünən vəfat edən məşhur türk tarixçi İlbər Ortaylı haqqında yazısını təqdim edir.

Rəhmətlik usta ortayolçuydu, hamıya "göy muncuq" verərdi, "nə şiş yansın, nə də kabab" xəttini tutar, "nabza göre şerbet" verərdi.

Bəzən "Biz Osmanlı sayesinde varız" deyib osmanlıçıları sevindirərdi, bəzən "Biz varlığımızı Atatürke borçluyuz" deyib, respublikaçılar tərəfindən alqışlanardı.

"Avrupada bir kadın bana dedi ki, iş insanı kocası zor durumda. Batı batıyor" kimi qüsurlu ümumiləşdirmələrlə antiqərbçilərə ümid verərdi.
Sünnət toyu masasında da, provakator Halit Konakçı ilə eyni masada da oturardı.

Bir məclisdə AKP-lilərin "kəndçi" olduqlarını deyərdi, TRT təmsilçisi masaya oturandan sonra AKP-ni tərifləməyə başlayardı.

Bizim məmləkətdə də çox sevilirdi, əsərlərinə görə yox. Elə olsaydı, məmləkətdə ən çox tanınan tarixçi Halil İnalcık olardı.

"Azərbaycanlıların təqdiri mənim üçün əhəmiyyətlidir, sevərək gələrəm, asistentimlə danışın", asistent də "Bu hesaba 4500 dollar köçürün, sonra danışaq" deyərdi. (Ödəniş tələb etməyi qəribə deyil, qəribə odur ki, yurdum insanı Lütfizadə ilə fəxr edib, İlbər Ortaylıya "Alim dinləyək" deyə 4500 dollar ödəyib, alimlərinə 600 manat maaş ödənməsindən narahat olmaz).

Bizimkilərin də qulağına xoşallanacaqları cümlələr pıçıldamışdı. Demişdi ki, "Sizin diliniz bizim dilin gəncliyidir".

"Bizim dilimiz saftır" deyə sevinən yurdum insanları, o saf dildə dünyanı tanıya bilmədiklərini, Türkiyədə nəşr olunan kitablar oxuduqlarını, o dilin isə Atatürk sayəsində islahat keçirdiyini və indiki ifadə gücünə çatdığını da qəribə qarşılamamışdılar.

Demişdi ki, "Siz bizdən kültür olaraq 50 il qabaqdasınız"- səbəb?
Kitab sərgisində simfonik orkestr varmış. Guya bütün həmyerlilərimiz heç olmasa 5 dəqiqə ayaq saxlayıb, simfoniyadan feyziyab olurmuşlar. Dekorasiya olduğu aydın olduğu halda.
Kitab sərgisində orkestr iştirak edən məmləkət 20 ildə ən aktiv nəşriyyata "Keyfiyyətli kitablar nəşr etməlisən" minimum tələbini qəbul etdirə bilmir. Əsas odur ki, dədə obrazında biri, bizi tərifləyib. Ağıllı məsləhətlər verib, "Gəzin, musiqiyə qulaq asın, maraqlı söhbətlər edin". Kimin ağlına gələrdi belə tövsiyələr?

# 2608 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
#
#
Ana səhifə Reels Yazarlar Xəbərlər