“Bir zamanlar Abşeronda” filminin təqdimatı baş tutub.
Kulis.az xəbər verir ki, ekran işi dramatik və eyni zamanda ironik süjet xətti ilə diqqət çəkir.
Film sevdiyi qızdan “elçi gəlməsən, başqasına ərə gedəcəyəm” təhdidi alan Bəxtiyarın çıxılmaz vəziyyətə düşməsi ilə başlayır. Çarəsiz qalan gənc dostu Aftandildən kömək istəyir. Lakin onun da maddi imkanı olmadığından iki dost riskli addım ataraq məhlə marketini qarət etməyə qərar verir. Qarət uğurla başa çatsa da, hadisələrin sonrakı inkişafı heç də planlaşdırıldığı kimi olmur.
Filmin rejissoru Rüstəmzadə Elvin, ssenaristi və baş prodüseri isə Əli Ucaldır.
Ekran işində Elvin İbra, Məmməd Məmmədov, Nihad Heybətov, Rasəf Mehdiyev, Nəsibə Eldarova, Midhət Aydın, Rauf Şahsuvarov və Əli Ucal rol alıblar.
Quruluşçu operator Şahmar Səfəroğlu, səs rejissoru Nadir Mahmudov, icraçı prodüser Sadiq Şahbazovdur. Layihənin ikinci rejissoru və rəssamı Telman Talıb, səs operatoru Emin Mahmudov, geyim üzrə rəssam və qrim ustası Aysu Alizdir. Filmin rəng həlli Cavid Aslanova, montajı isə Ruslan Hümbetova məxsusdur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər