Türk Dövlətləri Təşkilatına (TDT) üzv ölkələrin Müsəlman Dini İdarələrinin rəhbərlərinin növbəti – VII görüşü çərçivəsində Seyyid Yəhya Bakuviyə həsr olunmuş Beynəlxalq Bakuvi Konfransının bölmə iclasları keçirilib.
APA xəbər verir ki, konfransda Beynəlxalq Münasibətlərin Təhlili və Multikulturalizm Mərkəzinin nümayəndəsi Rəvan Həsənov Türk dünyasının dini liderlərinin bir araya gəlməsinin mühüm hadisə olduğunu bildirib.
O, konfransın böyük əhəmiyyət daşıdığını vurğulayıb.
Avropa Türk-İslam Birliyinin baş direktoru Musa Sərdar Çələbi isə TDT çərçivəsində həmrəylik və dayanışma içində olmağın əhəmiyyətindən danışıb. O bildirib ki, Türk Dövlətləri Təşkilatı çərçivəsində daha böyük nailiyyətlər əldə etmək üçün birlik və dayanışma içində olmaq lazımdır.
Beynəlxalq Bakuvi Konfransında İranın Qum Elmi Hövzəsinin alimi Ayətullah Şeyx Məhəmməd Rza Mustafa Manejheri Naini Azərbaycanda İslam elmi ilə bağlı geniş ensiklopediyanın hazırlanmasına ehtiyac olduğunu vurğulayıb. O bildirib ki, Azərbaycan bu gün Qafqazın coğrafi hüdudlarını aşan və İslam ruhaniyyətində böyük iz qoymuş bir şəxsiyyəti öz məkanında yaşadan ölkədir.
Konfrans çərçivəsində Türk dünyasının müsəlman dini idarələrinin rəhbərlərinin bir araya gəlməsi, fikir mübadiləsi aparması, təcrübə paylaşması və müasir cəmiyyətlərdə dini qurumların rolu ilə bağlı müzakirələr aparılıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
