"Uzun-uzadı zamandan sonra düşünüb-daşınıb, daşınıb-düşünüb həyatım üçün mühüm qərar qəbul etdim, nəhayət.
Canım-gözüm Bakı ilə əlvidalaşıb köçdüm ulu babam Hacı Alıqulunun yurdu, dost-doğmam Şamaxıya".
Kulis.az xəbər verir ki, bu fikirləri şair Şəhriyar del Gerani sosial şəbəkə hesabındakı paylaşımında qeyd edib. O, bu qərarın həm bundan sonrakı fiziki ömrünü, həm də mənəvi, yaradıcılıq taleyini müəyyənləşdirəcəyini bildirib:
"Bakı əksər insanlar kimi mənim də arzularımın şəhəri olub. Bakı əksər yaradıcı insanlar kimi mənə də kimlik qazandırıb. Bu gün müasir Azərbaycan ədəbiyyatında pis-yaxşı bir Şəhriyar Del Gerani imzası varsa, bunu heç şübhəsiz, Bakıya borcluyam.
Uzun söhbətlərdir bunlar, sağlıq olsun, nə vaxtsa yazaram. Bütün bu mötəbər tərəfləri ilə yanaşı, bəli, bu, haqq sözdür: Mən son illər Bakıda heç bir təhər yaşaya bilmədim. Bir də baxdım ki, mən Bakıda yaşamıram, Bakıya dözürəm. Onu da dəqiq bilirəm, bəli, “dözmək” deyə bir anlayış aldanışdır, insan heç nəyə dözmür əslində, sadəcə, şam kimi əriyir günü-gündən, adına dözmək deyir. Belə."
Şair paylaşımında bu qərarı ilə bağlı daha sonra açıqlama verəcəyini də qeyd edib: "Bu qərarımı eşidən-bilən hər kəsdə yaranan ilk sual budur: Niyə məhz Şamaxı? Deyəcəm, inanmayacaqsız. Ona görə də bu sualı açıq saxlayıram qeyri-müəyyən vaxtacan. Sağlıq olsun, günlərin bir günü bu sualın cavabını yazaram. Eşqlər!"
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
