Azərbaycanın Əməkdar artisti, Prezident mükafatçısı Afaq Abbasova İtaliyada 69-cu Puççini Festivalında çıxış edib.
Kulis.az xəbər verir ki, festival italiyalı məşhur opera bəstəkarı Cakomo Puççininin xatirəsinə onun doğulduğu Torre del Laqoda keçirilir. Əməkdar artist Puççini Festivalında iştirak edən ilk azərbaycanlı ifaçı olmaqdan qürur duyduğunu deyib. Bildirib ki, Toskanada dahi C.Puççininin əsərləri ilə tamaşaçı qarşısına çıxmaq, dünyanın ən məşhur opera ifaçıları və dirijoru ilə eyni səhnəni bölüşmək həm qürurverici hadisə, həm də böyük məsuliyyət tələb edən iş idi.
“Bu, həddən artıq böyük professionallıq tələb edirdi. Çox şadam ki, bu məsuliyyətli işin öhdəsindən gəldim və tamaşaçı alqışı bunun ən əsas göstəricisidir. Heydər Əliyev Fonduna, eləcə də mənə dəstək olan hər kəsə minnətdarlığımı bildirirəm”.
Qeyd edək ki, Afaq Abbasova uzun müddətdir İtaliyadakı məşqlərdə iştirak edir. O daha əvvəl də İtaliyada müxtəlif səhnələrdə və tamaşalarda çıxış edib.
Azərtac
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
