Azərbaycan mahnısı oxusa, dünya trendinə düşə bilərmi? - Murad Arif tənqidlərə cavab

Murad Arif, müğənni

Murad Arif, müğənni

25 fevral 2025
# 12:30

Məşhur müğənni Murad Arif “Səs Azərbaycan”la bağlı tənqidlərə cavab verib.

O, Kulis.az-ın Youtube kanalına verdiyi müsahibədə "Səs Azərbaycan" layihəsi ilə bağlı tənqidlərə münasibət bildirib.

Murad Arif iştirakçıların repertuar seçimlərinə və yarışmada hansı janrların təmsil olunmasına da toxunub:

“Əgər o, bir fank ifaçısıdırsa, bizim fank ulduzumuz kimdir? Bizim blüz ulduzumuz kimdir? Bizim caz ulduzumuz varmı? Mənə elə gəlir ki, gələn səslər dünyanın müxtəlif janrlarına müraciət edən səslərdir və onlar da özlərini ifadə edəcək nəğmələr seçirlər.”

Murad Arif qeyd edib ki, jüri heyəti – özü, Röya Ayxan, Zülfiyyə Xanbabayeva və Eldar Qasımov – iştirakçılara repertuar seçimində dəstək olurlar və onların səslərinə uyğun mahnılar seçməyə çalışırlar:

“Əlbəttə ki, mən hansısa bir ifaçıya Emin Sabitoğlunun “Bu gecə”sini verə bilərəm. Amma bu nəğməni bildiyim üçün bilirəm ki, o səs üçün uyğun deyil. Həmin iştirakçının özünü daha yaxşı göstərə biləcəyi mahnılar var”.

O, həmçinin, "İctimai" TV-nin "Səs Azərbaycan – Doğma Nəğmələr" layihəsini xatırladaraq, ancaq Azərbaycan mahnılarının səsləndiyi bu yarışmanın reytinq göstəricilərinin yüksək olmadığını bildirib.

Murad Arif “Səs Azərbaycan”da ifa edilən mahnıların dünya musiqi trendinə düşdüyünü vurğulayaraq, milli mahnılarla qlobal uğura nail olmağın çətinliyinə diqqət çəkib:

“Bu yarışmada olan ifaçılar dünya trendinə düşür. Birinci həftə İlqar Xəyalın oğlu Teymur trendə düşdü. Hər həftə hansısa sənətçi bu siyahıya düşür. Sizcə, həmin ifaçı gəlib Emin Sabitoğlunun hansısa nəğməsini oxusa, dünya trendinə düşə bilərmi? “Global voice”da ola bilərmi?”

Murad Arifin fikrincə, layihənin əsas məqsədi Azərbaycan musiqisini tanıtmaq yox, güclü səsləri üzə çıxarmaqdır.

Müsahibənin tam versiyasına baxmaq üçün bu linkə daxil olun: https://www.youtube.com/watch?v=x6ONY2Ek4VM

# 1088 dəfə oxunub

Oxşar xəbərlər

Ədəbiyyat, fəlsəfə və stəkan - Cəzasız qalan yeganə oğurluq

Ədəbiyyat, fəlsəfə və stəkan - Cəzasız qalan yeganə oğurluq

09:00 19 aprel 2025
Nura Suri:  "Bütün şadlıq sarayları məmurlarındır"

Nura Suri: "Bütün şadlıq sarayları məmurlarındır"

18:35 18 aprel 2025
İlhamə Quliyeva kimdir?

İlhamə Quliyeva kimdir?

18:20 18 aprel 2025
İki böyrəkli alçaqlar - Əli Ucalın hekayəsi

İki böyrəkli alçaqlar - Əli Ucalın hekayəsi

18:03 18 aprel 2025
Əməkdar artistlər nazirə şikayət etdilər

Əməkdar artistlər nazirə şikayət etdilər

17:20 18 aprel 2025
“Nargin. Sona qədər sirli” filminin treyleri yayımlanıb

“Nargin. Sona qədər sirli” filminin treyleri yayımlanıb

16:30 18 aprel 2025
#
#
# # #