Azərbaycan Kinematoqrafçılar İttifaqının (AKİ) dəstəyilə yaradılmış Azərbaycan Kaskadyorlar Gildiyasının rəsmi saytının təqdimatı olub.
Kulis.az xəbər verir ki, tədbir ölkənin tanınmış rejissorlarını, prodüserlərini və aktyorlarını bir araya gətirərək peşəkar müzakirələr və yaradıcı fikir mübadiləsi ilə yadda qalıb.
Çıxış edən natiqlər Gildiyanın fəaliyyət istiqamətlərini yüksək qiymətləndirərək, onun Azərbaycan kinosunda döyüş səhnələrinin keyfiyyətinin artırılması və peşəkar kaskadyor məktəbinin formalaşmasında mühüm rol oynayacağını vurğulayıblar. Onlar həmçinin bu təşəbbüsün beynəlxalq əməkdaşlıqlara yol açacağına inandıqlarını bildiriblər.
Tədbirdə Gildiyaya dəstək göstərən rəsmi qurumlar və fərdi şəxslər haqqında ətraflı məlumat təqdim olundu. Daha sonra Gildiyanın təsisçiləri — Sain Fərhad və Sərxan Tağıyev çıxış edərək təşkilatın məqsədləri, gələcək planları və beynəlxalq standartlara uyğun inkişaf strategiyası barədə fikirlərini bölüşüblər.
Çıxışların ardınca Gildiyanın rəsmi saytının təqdimatı keçirilib. Saytın funksionallığı, təqdim etdiyi imkanlar və kaskadyor sənətinin inkişafına verəcəyi töhfələr iştirakçılar tərəfindən böyük maraqla qarşılanıb. Rəsmi saytın təqdimatını “Millenium Creative Agency” rəhbəri Salman Ələkbərzadə etdi.
Qeyd edək ki, təqdimatı AKİ-də baş tutan sayt (www.azsg.az) Azərbaycan və ingilis dillərində fəaliyyət göstərir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
