"Atam, anam, qardaşım, mən və Stalin" tamaşası nümayiş olundu

"Atam, anam, qardaşım, mən və Stalin" tamaşası nümayiş olundu
16 fevral 2023
# 13:20

Ötən gün tənqidçi, ədəbiyyatşünas Azər Turanın yazdığı "Atam, anam, qardaşım, mən və Stalin" dramı əsasında əməkdar incəsənət xadimi, rejissor Bəhram Osmanovun quruluş verdiyi eyni adlı tamaşa nümayiş olunub.

Kulis.az xəbər verir ki, tamaşa Cəfər Cabbarlı adına İrəvan Dövlət Azərbaycan Dram Teatrında hazırlanıb. Əsər Cavidlərin - Hüseyn Cavidin, Mişkinaz Cavidin, Ərtoğrul Cavidin və Turan Cavidin - Stalin repressiyası səbəbindən məruz qaldıqları məşəqqətli ömür yollarından bəhs edir.

Premyera böyük maraqla qarşılandı və anşlaqla keçdi. Hüseyn Cavidin nakam taleyi, bütünlükdə Cavidlər aləsinin iztirablarla keçən həyatı tamaşada şairin qızı Turan Cavid obrazının nümunəsində əyaniləşdi. Xatirələr, məktublar, gerçəkdə baş verən hadisələr, bütünlükdə Cavid faciəsi, ötüb keçən əzabla dolu ömür övladlarının, ailəsinin yaşantılarında uğurlu aktyor oyunu nümunəsində əksini tapdı.

Hüseyn Cavidin 140 illiyinə həsr olunan tamaşanın nümayişində Mədəniyyət nazirinin birinci müavini Vaqif Əliyev, Azərbaycan Milli Elmlər Akademiyasının prezidenti İsa Həbibbəyli, Xalq şairi Nəriman Həsənzadə, Yazıçılar Birliyinin sədri Xalq yazıçısı Anar, Xalq yazıçısı Elçin, Mətbuat Şurasının sədri Rəşad Məcid, Xalq artisti Ramiz Həsənoğlu, Hacı İsmayılov, akademik Nizami Cəfərov, Xalq rəssamı Sakit Məmmədov, yazıçı Seyran Səxavət, İlqar Fəhmi, Səlim Babullaoğlu, eləcə də digər ədəbiyyat və sənət adamları iştirak ediblər.

Qeyd edək ki, tamaşanın tərtibatçı rəssamı Vahid Mürsəliyev, musiqi tərtibatçısı Çingiz Xəlilov, rejissor köməkçisi İmaməli İmaməliyevdir.

Səhnə əsərində rolları əməkdar artist Esmiralda Şahbazova, aktyorlar Samir Əliyev, Pərvin Dadaşova, Niyaməddin Səfərəliyev ifa ediblər.

# 1616 dəfə oxunub

Oxşar xəbərlər

Oskar mükafatlı aktyorun ölüm səbəbi məlum oldu

Oskar mükafatlı aktyorun ölüm səbəbi məlum oldu

12:20 28 aprel 2025
Məmməd Orucun "Köçürülmə"si - Təqdimat

Məmməd Orucun "Köçürülmə"si - Təqdimat

12:18 28 aprel 2025
Gənc musiqiçilərimiz Berlində

Gənc musiqiçilərimiz Berlində

12:10 28 aprel 2025
Barselonada 500 illik gəmi tapıldı

Barselonada 500 illik gəmi tapıldı

11:10 28 aprel 2025
Azərbaycanlı professorun kitabı Kembricdə

Azərbaycanlı professorun kitabı Kembricdə

10:40 28 aprel 2025
"İncəsənətdə məktəb anlayışı: Neftçala rəssamlıq məktəbi"  adlı seminar keçirildi

"İncəsənətdə məktəb anlayışı: Neftçala rəssamlıq məktəbi" adlı seminar keçirildi

10:38 28 aprel 2025
#
#
# # #