13–21 noyabr 2025-ci il tarixində Kızılay Büyülü Fener Kinoteatrında keçiriləcək 36-cı Ankara Film Festivalının milli tammetrajlı, sənədli və qısa film müsabiqələri üçün müraciətlər başlanıb.
Kulis.az xəbər verir ki, festival çərçivəsində Ankara mövzulu filmlər müsabiqəsinə və festivalın builki vizual kimliyini müəyyən edəcək afişa müsabiqəsinə də müraciətlər qəbul olunur.
Festivalın Koç Universiteti Vehbi Koç Ankara Araşdırmaları Tətbiq və Araşdırma Mərkəzi (VEKAM) ilə birlikdə təşkil etdiyi bu müsabiqənin qalib filmi həmçinin VEKAM Kitabxanası və arxivinə daxil ediləcək və akademik araşdırmalara açılacaq. Müsabiqə müraciətləri 15 sentyabr saat 23:59-da başa çatacaq. Namizəd filmlər isə 9–17 oktyabr tarixləri arasında festivalın saytında və sosial media hesablarında açıqlanacaq.
Qeyd edək ki, müsabiqənin münsiflər heyətində çertyojçu və jurnalist Aslı Alpar, rəssam Habip Aydoğdu, Ankara Film Festivalı direktoru İrfan Demirkol, dizayner, rəssam və akademik Melike Taşçıoğlu Vaughan və akademik Zülfüqar Sayın yer alır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
