“Açar” filmi beynəlxalq platformalarda

“Açar” filmi beynəlxalq platformalarda
31 oktyabr 2024
# 12:21

Azərbaycanın “OB Film” və “Epic Production” şirkətlərinin birgə istehsal etdiyi “Açar” qısametrajlı bədii filmi dünyanın məşhur internet və kabel televiziyalarında nümayiş olunur.

Kulis.az xəbər verir ki, “Açar” filminin yayım hüquqları "Oscar" və "Emmi" mükafatlı prodüser Colin Laviolanın rəhbərlik etdiyi, ABŞ-ın "7 Palms Entertainment" distribütor şirkətinə məxsusdur. İlk dəfə ABŞ şirkəti tərəfindən Azərbaycan filminin distribüsiyası həyata keçirilərək “Bolt+”, “rlaxx TV”, “VlDAA SA” və “Weyyak TV” onlayn televiziyalarına filmin yayımı ilə əlaqədar lisenziyalar verilib. Hazırda “Amazon”, “Fature Today”, “Tubi”, “Kino Polska”, “Cineverse”, “DirecTV”, “Google Play”, “Sky”, “YouTube Movies and TV”, “Canal+”, “OTT Studio”, “Stash TV”, “Plex” və s. qırxa yaxın beynəlxalq platforma ilə danışıqlar davam etdirilir.

Premyerası Niderlandda baş tutan “Açar” filmi İngiltərə, Fransa, İsveç, Makedoniya, Rumıniya, İtaliya, Bolqarıstan, Türkiyə və Hindistanda beynəlxalq film festivallarında ölkəmizi təmsil edib.

Film Qarabağda işğal olunmuş evinin sonuncu yadigarı və nişanəsi olan açarları 30 ilə yaxın qoruyub saxlayan Ümid kişinin hekayəsindən bəhs edir.

Ekran əsərinin ssenari müəllifi və quruluşçu rejissoru Elşad Ərşadoğlu, görüntü rejissoru Cavid Oruclu (Delee), quruluşçu rəssamı Arif Niftiyev, montaj rejissoru Elşad Rəhimov, səs rejissoru Mehman Nadirov, prodüserləri Orxan Behbid, Senur Əhədov və Mətin Ələkbərlidir.

Filmdə Qurban İsmayılov, Rasim Cəfər, Reyhan Cəfər, Hüseyn İsgəndərov, Yusif Şeyxov, Zemfira Əbdülsəmədova, Arif Kərimov, Rövşən Ağayev, Eldar Cəbrayıl, Selin Cəbrayıl və başqaları çəkiliblər.

# 942 dəfə oxunub

Oxşar xəbərlər

3 yaşlı qardaşını 6 yaşlı qardaşına tapşırdı - KimsəBizlər

3 yaşlı qardaşını 6 yaşlı qardaşına tapşırdı - KimsəBizlər

16:28 26 aprel 2025
Əli Mirəliyev reanimasiyaya yerləşdirildi

Əli Mirəliyev reanimasiyaya yerləşdirildi

14:34 26 aprel 2025
Napoleonun şəxsi qılıncı hərraca çıxarıldı - FOTO

Napoleonun şəxsi qılıncı hərraca çıxarıldı - FOTO

13:00 26 aprel 2025
Britaniya şahzadəsini zorlamada ittiham edən qadın özünü öldürdü

Britaniya şahzadəsini zorlamada ittiham edən qadın özünü öldürdü

11:41 26 aprel 2025
Azərbaycanlıları öldürən m*rc oyunları – Bu “killeri” kimlər göndərib?

Azərbaycanlıları öldürən m*rc oyunları – Bu “killeri” kimlər göndərib?

11:00 26 aprel 2025
Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
# # #