İsveçrədə yaşayan azərbaycanlı yazıçı Vüsal Aydın kitabının qanunsuz satışı ilə bağlı nəşriyyatı ittiham edib.

Yazıçı Kulis.az-a bildirib ki, "Dr. Səid - Bir milyonluq xəyanət" kitabınının ilk nəşri "Qanun" nəşriyyatında işıq üzü görüb. Növbəti nəşr isə "Mücrü" nəşriyyatında həyata keçirilib:

"Biz kitabın həm ikinci, həm də yeni nəşrini Mücrü nəşriyyatına həvalə edəndə Qanun nəşriyyatında çap olunmuş versiyadan küncdə-qıraqda qalanları da topladıq ki, ədalətsizlik və qanunsuzluq olmasın. Ancaq baxıram ki, Qanun nəşriyyatı kitabın köhnı versiyasını saytında endirimə qoyub satır. Hələ qulağıma çatıb ki, kitab mağazalarında da köhnə versiya var… Belə qanunsuzluq adını “Qanun” qoymuş nəşriyyata yaraşmır və hörmət elədiyimiz, çoxdanın təcrübəli naşiri kimi tanıdığımız Şahbaz Xuduoğlunun adına ləkə salır".

Yazıçı bildirib ki, kitabın müəllif hüquqları tamamilə özünə aiddir:

"2017-ci ildə Azərbaycan Respublikası Müəllif Hüquqları agentliyindən kitabı qeydiyyatdan keçirmişəm və mənə bu barədə rəsmi şəhadətnamə verilib. Oxuculardan xahişim, yalnız Mücrü nəşriyyatında çap olunmuş kitabı alın".

Məsələyə münasibət bildirən "Qanun" nəşriyyatının direktoru Şahbaz Xuduoğlu qeyd edib ki, bu məsələnin müəllifə qarşı qərəzlə əlaqəsi yoxdur:

"Ola bilsin ki, saytda qalıb. Statistika xatirinə. Yəni, belə bir nəşr də var deyə. Sayt son vaxtlar bir neçə dəfə yenilənib, köhnə kitablar da önə çıxır. İnanmıram ki, burda sizə qarşı bir qərəz olsun".

• 4 dəfə evlənən şair kimliyini niyə gizlədirdi? - "Səni düşündükcə o atı da sevirəm..."
• “Narqız" animasiya filminin istehsalı yekunlaşıb
• Milli Kitabxanada “Ailə kiçik dövlətdir!” virtual sərgisi təqdim olundu