Xocalı soyqırımından bəhs edən film "Amazon Prime"da yerləşdirilib - Video

Xocalı soyqırımından bəhs edən film "Amazon Prime"da yerləşdirilib - Video
6 noyabr 2020
# 15:53

"Amazon Prime" Dağlıq Qarabağ münaqişəsindən bəhs edən, mükafat qazanan yeganə uzunmetrajlı "Sonsuz Dəhliz" sənədli filmini tamaşaçılarına təqdim edib.

APA-nın məlumatına görə, sənədli filmin platformaya daxil edilməsi, bu təsirli hekayənin kinematoqrafiyasına, həmçinin bu gün bölgədə döyüşlərin davam etdiyi vaxtda qlobal tamaşaçı üçün əhəmiyyətinə dəlalət edir. Sənədli filmin bu qədər geniş izləyici auditoriyasına çatmasını təmin etmək bir çoxlarına Dağlıq Qarabağ münaqişəsinin tarixini və insan dəyərlərini daha yaxşı anlamağa imkan verəcək.

Qeyd edək ki, Xocalı soyqırımından bəhs edən "Sonsuz dəhliz" sənədli filmində hadisələr faciə şahidlərinin litvalı jurnalist Riçard Lapaitislə söhbəti ilə təqdim olunur. Filmin çəkilişləri 5 il davam edib. “Sonsuz dəhliz" filmi 2015-ci ildə Tenerife Beynəlxalq Film Festivalında "Ən Yaxşı Sənədli film", rejisdor Aleksandras Brokas isə “Ən Yaxşı Sənədli Film Rejissoru” mükafatlarını, eyni il Accolade Humanitar Mükafatlarında "Ən yaxşı Uğur" mükafatını alıb.

Oskar mükafatlı aktyor Ceremi İronsun rol aldığı filmi "Emmy" mükafatı laureatı Gerald Rafşun istehsal edib.

Filmin prodüseri və rejissoru Aleksandras Brokas, son gərginləşmə və münaqişənin başlaması ilə əlaqədar olaraq filmin bugünkü aktuallığını şərh edib: "Bu müharibə həm döyüş meydanında, həm də informasiya sahəsində aparılır. Saxta xəbərlər medianı bürüdüyü üçün beynəlxalq, təcrübəli və müstəqil jurnalistlərin həm təcavüzkarların, həm də qurbanların perspektivlərini göstərdikləri bizim kimi geniş miqyaslı araşdırma sənədli film hazırlanması aktual hadisələrə dəqiq baxış üçün vacibdir".

"Sonsuz Dəhliz" filmi 2015-ci ildə beynəlxalq debüt edib. Heydər Əliyev Fondunun vitse-prezidenti Leyla Əliyevanın rəhbərlik etdiyi "Xocalıya ədalət" məlumatlandırma kampaniyası ilə birlikdə təbliğ edilib. Xatırladaq ki, Avropa Azərbaycan Cəmiyyəti bu məlumatlandırma kampaniyasını geniş dəstəkləyib.

Qeyd edək ki, "Amazon" yalnız ABŞ və Böyük Britaniyada 110 milyondan çox üzvü olan dünyanın ən böyük onlayn pərakəndəçisidir.

Filmin linkləri:

US: https://www.amazon.com/Endless-Corridor-Aleksandras-Brokas/dp/B01H0X6ZVC

UK: https://www.amazon.co.uk/dp/B08MCSTSSM

# 1975 dəfə oxunub

Oxşar xəbərlər

3 yaşlı qardaşını 6 yaşlı qardaşına tapşırdı - KimsəBizlər

3 yaşlı qardaşını 6 yaşlı qardaşına tapşırdı - KimsəBizlər

16:28 26 aprel 2025
Əli Mirəliyev reanimasiyaya yerləşdirildi

Əli Mirəliyev reanimasiyaya yerləşdirildi

14:34 26 aprel 2025
Napoleonun şəxsi qılıncı hərraca çıxarıldı - FOTO

Napoleonun şəxsi qılıncı hərraca çıxarıldı - FOTO

13:00 26 aprel 2025
Britaniya şahzadəsini zorlamada ittiham edən qadın özünü öldürdü

Britaniya şahzadəsini zorlamada ittiham edən qadın özünü öldürdü

11:41 26 aprel 2025
Azərbaycanlıları öldürən m*rc oyunları – Bu “killeri” kimlər göndərib?

Azərbaycanlıları öldürən m*rc oyunları – Bu “killeri” kimlər göndərib?

11:00 26 aprel 2025
Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
#
#
# # #