Ukraynanın “Ліга Сміху” televiziya yumor şousunda Bakı şəhərini təmsil edən “Как по Маслу” komandası populyar layihənin 8-ci mövsümündə iştirak edir.

İlk turun nəticələrinə görə, qeydiyyata alınan 109 komandadan 25-i ikinci tura keçib. Onların arasında Bakı komandamız da yer alıb.

Bu komanda 2018-ci ildən bəri, son üç ildə Azərbaycanı beynəlxalq yumor arenasında təmsil edən yeganə kollektivdir.

“Çox həvəsliyik, çünki qarşımızdakı məqsədin məsuliyyətini tam anlayırıq. Komandamız gücləndi, yenidən formalaşdı və yeni mövsümə yeni ümidlərlə gedir. Komandamızın tərkibinə təcrübəli müəllif və "Planet Parni iz Baku" teatrının aktyoru Ələkbər Əliyev, həmçinin gənc istedadlı blogger Mark Kim daxil oldular. Səməndər Rzayev başda olmaqla komandanın “sütunlarından” olan Valeh Dayanov və Emil Dalivalovda yenilənmiş kollektivdədilər. Ümidvarıq ki, bu il Azərbaycan yumoru inkişaf edəcək və durğunluq dövründə olmayacaq. İnanıram ki, bu yumor “paradı”nı ölkəsini sevən, düzgün düşünən vətənpərvərlər irəli aparmalıdırlar. Müvafiq dəstəklə komandanın ölkəni yüksək səviyyədə təmsil etmək şansı var. Hazırda növbəti mərhələdə ikinci turda uğurla keçmək vacibdir”,- deyə komandanın kapitanı Cavid Şahbazbəyov söyləyib.

• 12-ci "Beynəlxalq Balkan Ölkələri Teatr Festivalı" başlayır
• 1 aprel üçün: Bədii ədəbiyyatda yalan motivi - Mətanət Vahid
• Xanadan tərəkəmə xalçasını qoparan düşmən əli - Həmid Herisçi