Bu gün Azərbaycan Dövlət Akademik Musiqili Teatrının əməkdaşları ölkəmizin ərazi bütövlüyü uğrunda mübarizə aparan ordumuza dəstək məqsədilə Silahlı Qüvvələrə Yardım Fonduna 13 min 627 manat məbləğində pul vəsaiti ianə ediblər.

Teatrın mətbuat xidmətindən bildirilib ki, bu məqsədlə teatrın bütün kollektivi – sıravi işçisindən tutmuş Xalq artistlərinə qədər, hamı bu təşəbbüsdə iştirak etmək üçün teatr rəhbərliyinə ərizə ilə müraciət edərək, əmək haqlarının müəyyən bir hissəsini Silahlı Qüvvələrə Yardım Fonduna köçürülməsinin təmin olunmasını istəyiblər. Bu xeyirxah və qürurverici missiyada iştirak etməkdən məmnun olduqalarını bildirən kollektivin üzvləri Azərbaycan Prezidenti, Silahlı Qüvvələrin Ali Baş Komandanı İlham Əliyevin, qəhrəman ordumuzun yanında olduqalarını vurğulayıblar.

Ərizə ilə müraciət edənlər “Qarabağ Azərbaycandır!”, “Qarabağ bizimdir, bizim olacaq!”, “Bütün erməni milləti əsgərlərimizlə görüşdə kövrələn, əziz Mehriban xanımın, şəhid analarının göz yaşlarının bir giləsinə belə dəyməz!”, “Haqq yolumuzda qələbə bizimdir!”, “Əsas ordumuzun ruh yüksəkliyidir, o da zirvələrdədir!” fikirlərini səsləndiriblər, işğalda qalan ərazilərimizin azadlığı uğrunda Vətən müharibəsində şanlı ordumuza ürəkdən inandıqlarını bildiriblər.

• Axır çərşənbə haqqında ən uzun cümlə - Qulu Ağsəs
• 3500 illik "Hitit" kətan parçası təqdim olundu
• Yubiley törəni: Kənan Hacı - 50

Teatr kollektivinin könüllü olaraq göstərdiyi yardım davam etdirilir. /azertag.az/

• Axır çərşənbə haqqında ən uzun cümlə - Qulu Ağsəs
• 3500 illik "Hitit" kətan parçası təqdim olundu
• Yubiley törəni: Kənan Hacı - 50