Məşhur azərbaycanlı gitaraçı konsert verəcək - Foto

Məşhur azərbaycanlı gitaraçı konsert verəcək - Foto
21 aprel 2020
# 12:59

Koronavirus pandemiyasının davam etdiyi bu günlərdə müxtəlif ölkələrdə yaşayan sənətçi soydaşlarımız da virtual məkanda – sosial şəbəkələr üzərindən müxtəlif layihələr, təqdimatlarla çıxış edirlər.

Aprelin 24-də Moskva vaxtilə saat 19:00-da Rusiyada yaşayan həmyerlimiz, dünya şöhrətli klassik gitara ifaçısı Rövşən Məmmədquliyev onlayn solo konsert proqramı ilə çıxış edəcək. Həmyerlimiz “Instagram” və “Facebook” sosial şəbəkə hesablarında konsert haqqında məlumat verərək bildirib ki, musiqisevərlərə üç hissədən ibarət rəngarəng proqram təqdim edəcək. Eyni zamanda, ifaçı canlı olaraq izləyicilərin suallarını cavablandıracaq.

Klassik gitara ifaçılığında "gitaranın şairi" adlandırılan Rövşən Məmmədquliyev çoxsaylı Rusiya və beynəlxalq miqyaslı müsabiqələrin qalibidir.

Rövşən Məmmədquliyev 1986-cı il mayın 12-də Bakıda doğulub. 1993-cü ildə ailəsi Rusiyaya köçüb. 11 yaşından gitarada ifa etməyi öyrənməyə başlayıb. Nijni Novqorod şəhərində 7 nömrəli İncəsənət məktəbini və M.A.Balakirev adına Musiqi Kollecini əla qiymətlərlə, 2009-cu ildə isə M.İ.Qlinka adına Nijeqorod Konservatoriyasında (Akademiya) məşhur ifaçı, Rusiya müsabiqələri laureatı, dosent A.A.Petropavloskinin klassik gitara sinfini bitirib. Həmin ildə konservatoriyanın aspiranturasına daxil olub və Milli alətlər kafedrasında dərs deməyə başlayıb.

1999-cu ildən mütəmadi olaraq sənət yarışmalarında iştirak edən ifaçı 20-dən artıq mükafatın sahibidir. Həmyerlimiz yüksək sənət nailiyyətlərinə görə Rusiya Prezidentinin mükafatına, eyni zamanda, Nijeqorod Vilayəti qubernatorunun və Nijni Novqorod merinin xüsusi təqaüdünə layiq görülüb.

Musiqiçi repertuarında dünya klassikləri də daxil olmaqla müasir bəstəkarların əsərlərinə, həmçinin öz bəstələrinə də yer verir. 2011-ci ildə Bakıda 3-cü Üzeyir Hacıbəyli Beynəlxalq Musiqi Festivalında Qara Qarayev adına Azərbaycan Dövlət Kamera Orkestri ilə birgə çıxış edib./azertag.az/

Gallery

# 2544 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #