Azərbaycan Kinematoqrafçılar İttifaqının sədri Rüstəm İbrahimbəyovun təşəbbüsü ilə, Həsən Seyidbəyliniin 100 illiyi münasibəti ilə ustad sənətkarın filmlərinə son 50 ildə yazılmış resenziyalardan, yaradıcılığıı haqda məqalələrdən, müsahibələrdən ibarət toplu işıq üzü görüb.

Kulis.az xəbər verir ki, bu il Azərbaycan Respublikası Prezidentinin sərəncamı ilə görkəmli yazıçı, ssenarist, rejissor və kino təşkilatçısı Həsən Seyidbəylinin anadan olmasının 100 illik yubileyi təntənəylə qeyd olunur.

Xalq artisti Həsən Seyidbəylinin 17 il sədr kimi rəhbərlik etdiyi Azərbaycan Kinematoqrafçılar İttifaqı da məşhur ekran ustasının xatirəsinə öz töhfəsini vermək üçün tədbirlər planı hazırlayıb. H.Seyidbəyli haqqında məqalələr toplusunun nəşri də həmin tədbirlərdən biridir.

Toplunun tərtibçisi Nəriman Əbdülrəhmanlı, redaktoru Sevda Sultanova, nəşrə məsul Əli İsa Cabbarovdur. Toplu Azərbaycan Kinematoqrafçılar İttifaqının “Kino sənətkarlarımız” seriyasından ilk nəşridir.

Azərbaycan Kinematoqrafçılar İttifaqından verilən xəbərə görə, kino tariximizini geniş təbliği üçün “Azərbacan kino sənətkarları” seriyasından növbəti kitab Lətif Səfərova həsr olunacaq.

122 illik kino tariximizin geniş işıqlandıran “Azərbaycan kino sənəti tarixi” 4 cildliyi də yaxın həftələrdə nəşr olunacaq.

• Sosiologiyasız cəmiyyətin molla filosofları
• Kölgəsi yoxa çıxan adamın faciəsi - Xoşbəxtliyin reseptini bilən yazıçı
• 1 aprel üçün: Bədii ədəbiyyatda yalan motivi - Mətanət Vahid