Kitabxanaçılar qazilərlə görüşdü

Kitabxanaçılar qazilərlə görüşdü
9 dekabr 2020
# 15:44

Respublika Gənclər Kitabxanası gənclərimizdə hərbi vətənpərvərlik ruhunun yüksəldilməsi, onları Qarabağ uğrunda gedən Vətən müharibəsinin qəhrəmanları ilə tanış etmək məqsədilə qazilər, igid döyüşçülərlə silsilə canlı yayımların təşkilinə qərar verib. “Qarabağ Azərbaycandır!”, “Yaşasın Azərbaycan Əsgəri”, “Şəhidlər ölməz, Vətən bölünməz” şüarları altında təşkil olunan ilk belə canlı yayım baş tutub.

“Sevilənlər, sevənlər” rubrikası altında keçirilən bu canlı yayımın qonaqları qazi Mais Zeynalov və Azərbaycan Ordusunun zabiti Əli İbrahimli olun. Canlının ilk 30 dəqiqəsi Mais Zeynalovun iştirakı ilə keçib. Qazi canlı yayım izləyicilərinə özü, ailəsi, az da olsa uşaqlığı haqqında məlumat verib. Sonradan könüllü olaraq döyüş bölgələrinə yollanmağından, döyüşdüyü ərazilərdən, müharibənin təəssüratlarından, harada və necə yaralanmasından söhbət açıb. Dəfələrlə düşmənlə yaxın məsafədə olan igid əsgərimiz bu döyüşlərdə xalqın dəstəyinin, Vətən sevgisinin ona yardımçı olmasını dilə gətirib. Vətən müharibəsində kəşfiyyatçı qismində iştirak edən qazimiz Vətənin hər bir qarışının böyük şücaət, əzm və qəhrəmanlıq hesabıma alındığını dilə gətirib.

Canlı yayımın ikinci hissəsinin qonağı Azərbaycan ordusunun zabiti Əli İbrahimli olub. Hazırda Murovdağda olan zabitimiz igid əsgərlərimizin qəhrəmanlıqlarından, döyüş zamanı nümayiş etdirdikləri yüksək əhval-ruhiyyədən danışıb. Müzəffər Ali Baş Komandan, Prezident İlham Əliyevin rəhbərliyi altında Azərbaycan Ordusunun qələbə çalacağına döyüşlərin ilk günündən inandığını söyləyən Əli İbrahimli qəhrəmanlıqlarına görə əsgərləri arasında fərq qoymadığı söyləyib. O hər bir Azərbaycan əsgərinin qəlbində olan Vətən sevgisindən və bu sevginin onlara döyüşdə necə kömək olmasından söhbət açıb. Zabit Əli İbrahimli müharibədə hər bir döyüşün mürəkkəb olduğunu, İstər Şuşa, istər Zəngilan, istərsə də digər döyüşlər getmiş ərazilərimizin yalnız qəhrəmanlıq, yüksək şücaət hesabına geri qaytarıldığını söyləyib.

Canlı yayımın sonunda hər iki qonaq Respublika Gənclər Kitabxanasına bu səpkili canlı yayımların təşkilinə görə öz minnətdarlıqlarını bildirdiblər.

Canlı yayımın aparıcısı Günay Həsonava sonda Vətən müharibəsində qazandığımız qələbənin igid oğullarımızın, qazilərimizin, şəhidlərimizin qəhrəmanlığı, böyük səbrin və müdrik siyasətin sayəsində olduğunu vurğulayıb. Canlı yayım “Qarabağ Azərbaycandır!” şüarı ilə sona çatdı.

İstifadəçilər qazi Mais Zeynalov və Azərbaycan Ordusunun zabiti Əli İbrahimlinin iştirakı ilə keçirilən görüşə https://www.instagram.com/p/CIi8aS-nmT9/ linki vasitəsilə baxa bilərlər./azertag.az/

# 2223 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #