Kulis.az İbrahim İbrahimlinin şeirlərini təqdim edir.

Dərd var sonrası gələndi,
Dərd var sonrası gəlmiyəndi,
Dərd var ömürdə itəndi,
Dərdsiz buyur gəl.

Ölüm var ömrü bilinəndi,
Ölüm var yaşamda görünəndi,
Ölüm var dünyaya yetəndi,
Ölümsüz buyur gəl.

Məndə var ömür istədiyi,
Məndə var ömür təzəliyi,
Məndə var sevgi sənliyi,
Mənə buyur gəl.

Sevgi var ömrə ömür gətirəndi,
Sevgi var dünya qədərdi,
Sevgi var bu dünyanın kimliyidi,
Sevgi ilə buyur gəl.

Adam var hamını düşünəndi,
Adam var düşüncəsi gözəldi,
Adam var ölümü öləndi,
Adam ilə buyur gəl.

Dünya var hər şeyi bilinməzdi,
Dünya var hər yaşamı möcüzədi,
Dünya var yalnız bir dənədi.
Bu dünya mən nə desəm və
Nə istəsəm edəndi,
Dünya ilə buyur gəl.

***

Görən yaşçamı necədi,
Hər yaşamı bir qərinədi,
Yer üzü Allahın yeridi,
Yer üzü ilə buyur gəl.

Ağ buludlar pəmbədi,
Çox vaxt istədiyimiz kimidi,
Göy üzü Allah bənizidi,
Göy üzü ilə buyur gəl.

Hər yaşamı fərqlidi,
Necəliyi bilinməzdi,
Dünya ömürlərin səsidi,
Dünya ilə buyur gəl.

Kim deyir ki, Allah görünməzdi,
O həm görünən,həm görünməzdi,
O bu dünyanın hər yerindədi.
Hər yerdə hər şey insan deyil,
Allah bilən kimidi,
Allah ilə buyur gəl.

• "The Mayhem Ball" başladı
• "Zoluşka" operasının təqdimatı olacaq
• Bakıda "Art Weekend" festivalı keçiriləcək