Kulis.az Elşən Mehdinin "Bir kəndimiz var idi" şeirini təqdim edir. Qeyd edək ki, Elşən Mehdi Füzuli rayonundandır. Bu gün Azərbaycan ordusu Füzuli şəhərini işğaldan azad edib. Şeir 2018-ci ildə yazılıb.

Bizim bir kəndimiz varıydı orda
Dağlar buludlardan uca olardı.
Yoldaşı döyüşdə ölən qadınlar
İyirmi beş yaşında qoca olardı.

Nənələr varıydı ağzı dualı
Yaylığı gül qoxan üzləri nurlu.
Dərdi məzaracan özüylə gedən
Nənələr varıydı kişi qürurlu.

• FolKulis: "Sarı gəlin" xalq mahnısının sözləri
• AzTV-nin əməkdaşı vəfat etdi
• Oskarlı filmə "İsrail" embarqosu

Babalar yarıtmaz nəvələrinə
Kəndin dəlisini misal çəkirdi.
Kişilər atlara qamçı vururdu
Qadınlar belinə sığal çəkirdi.

O kənddə mollalar arıq olardı
Falçılar həmişə ümid verərdi
Xəstəyə həkimlər baxardı ancaq
Hamının şəfasın "seyid" verərdi.

İndi nə o kənd var, nə o adamlar
Babam da səngərdən o yanda qaldı
Dünyayla axirət sərhədi ruhun
Erməni sərhədi məzarın aldı.

• FolKulis: "Sarı gəlin" xalq mahnısının sözləri
• AzTV-nin əməkdaşı vəfat etdi
• Oskarlı filmə "İsrail" embarqosu