Mingəçevir Dövlət Dram Teatrı canlı dekorasiya ilə Şamaxıda Kələxana Türbələrində “Apardı Sellər Saranı” xalq dastanının motivləri əsasında hazırlanan “Sara” tamaşasının təqdimatına hazırlaşır.

Bu barədə Kulis.az-a Mingəçevir Dövlət Dram Teatrının baş rejissoru Cavid Təvəkkül məlumat verib. Rejissor açıqlamasında onu da qeyd edib ki, bu Azərbaycanda ilk canlı dekorasiya ilə həyata keçirilən tamaşadır:

“Növbəti yenilik isə ondan ibarətdir ki, biz tamaşaının təqdimatını internet üzərindən canlı yayım vasitəsilə həyata keçirəcəyik. Tamaşanın qlobal dünya maştabında premyerasını keçirməklə, “Apardı sellər Saranı” dastanını bütün dünya ictimaiyyətinin diqqətinə çatdırmaq niyyətindəyik. Bu epik teatr üslubunda, antik teatr çərçivəsində olan bir janrdır. Teatrının bütün kollektivi bu tamaşada iştirak edəcək təbii ki, karantin qaydalarına riayət olunaraq. Tamaşanın təqdimat tarixi isə Operativ Qərargahın verdiyi qərarlardan asılıdır. Düşünürəm ki, bu həm Azərbaycan teatrı, həm turizmi üçün çox əhəmiyyətli bir addım olacaq. Çünki biz teatrı marketinq ilə sintez edərək, həm regionu, həm də teatrımızın performasını PR etmək niyyətindəyik.”

Qeyd edək ki, tamaşanın ideya müəllifi və rejissoru Cavid Təvəkküldür.

• Ermənilər “Qal, sənə qurban”ı da oğurladılar - Yutubdan silindi
• Müğənni Arzuxanımın qanında narkotik aşkarlanıb - Polisdən açıqlama
• Xalq yazıçısı Elçin: "Səməd Vurğunu "yaltaq" adlandırıb..." - Müsahibə