“Mücrü” nəşriyyatı uşaqlar üçün “Mücrü” adlı jurnal hazırlayır.

Kulis.az xəbər verir ki, jurnal daha çox məktəbəqədər və məktəb yaşlı uşaqlar üçün nəzərdə tutulub.
Uşaqlar dərgidə bir-birindən maraqlı hekayələr, şeirlər, maraqlı rubrikalar, oyunlar, müxtəlif ölkələr, xalqlar, şəhərlər, heyvanlar, quşlar, bir sözlə dünyada uşaqları maraqlandıran hər şey haqqında məlumat əldə edə biləcəklər.

Bundan əlavə, jurnal vasitəsilə uşaqlar bilik yarışına qoşulacaq, hər nömrədə verilən test tapşırıqlarının düzgün cavabları ilə növbəti nömrədə tanış olacaq, özləri – özlərini qiymətləndirəcəklər.
Jurnal təkcə uşaq yazarlarının tribunası olmaycaq, burda uşaqlar da müxtəlif yazılarını, çəkdikləri rəsmləri yayımlaya biləcəklər. Hər yeni nömrədə uşaqlar istedadlı yaşıdlarının yaradıcılığı ilə tanış olmaq fürsəti qazanacaqlar.

Onlar sevdikləri hekayələrin, şeirlərin müəlliflərinə məktublar yaza biləcək, “Mücrü” jurnalı vasitəsilə sevimli müəlliflərlə tez-tez görüşmək imkanı əldə edəcəklər.

Daha çox azyaşlı uşaqlar və ibtidai sinif uşaqlarına ünvanlanan jurnal uşaqların maarifləndirilməsi, onlarda mütaliəyə və yaradıcılığa maraq oyatmaq məqsədi daşıyır.

Xatırladaq ki, jurnalın təsisçisi “Mücrü” Nəşriyyatı, dərginin baş redaktoru yazıçı-şair Sevinc Elsevərdir.

• Ən çox qazanan animasiya filmi
• İki "Don Kixot", yaxud müəllifin oxucusu və mətnin oxucusu - Kamal Abdulla
• "Elə səni görməsələr yaxşıdı!" - Vəkillər Kollegiyasının gülməli Bəyanatı