"Ədəbi ovqat" dərgisinin ilk sayı işıq üzü görüb.
Dərginin əsas məqsədi ilahi sözün dəyərini bilən, həqiqi sözə tapınan qələm adamlarını əsərlərini işıqlandırmaq və eyni zamanda, istedadlı yazarları oxuculara tanıtmaqdır.
Yeni söz, yeni fikir axtarışında olan dərgi sözə biganə olmayan yazarların üz tuta biləcəyi ədəbi məkan olacaq.
Dərginin təsisçisi Rəfail Tağızadə, Baş redaktoru Vaqif Osmanovdur.
"ƏDƏBİ OVQAT"ın ilk sayına professor Cahangir Məmmədli uğur arzulayıb. Poeziyasevərlər Musa Yaqubun, Esmira Məhiqızının, Alov İnannanın, Mehriban Kənanın, Sevinc Qəribin, Aysel Xanlarqızı Səfərlinin, Rəşidə Allahverdiyevanın, Sehran Allahverdinin, Adilə Nəzərin, gənc şair Məhəmməd Mütəllibovun şeirləri, Nəriman Əbdülrəhmanlının, Miri Rəsulzadənin, Təranə Məmmədin, Təranə Vahidin, Ataqamın, Nemət Mətinin, Vüsal Oğuzun hekayələri, Günel Natiqin povesti, Oqtay Şəfioğlunun mənsur şeirləri, Tamella Həmidqızının, Cavi Danın ədəbi düşüncələri, Vaqif Osmanovun essesi, polyak və özbək poeziyasından tərcümələrlə tanış olacaqlar.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
