Azərbaycan filmi beynəlxalq festivalın finalında - Foto

Azərbaycan filmi beynəlxalq festivalın finalında - Foto
1 sentyabr 2021
# 18:01

Azad Şuşaya qayıdışdan bəhs edən “28” qısametrajlı filmi beynəlxalq film festivalının finalına vəsiqə qazanıb

Kulis.az xəbər verir ki, Yurtdışı Türkler ve Akraba Topluluklar Başkanlığı (YTB), TRT, Türkiyə Cumhuriyyəti Mədəniyyət və Turizm Nazirliyi Sinema Genel Müdürlüyü, Anadolu Agentliyi və Boğaziçi Kültür Sanat Vakfı təşkilatçılığı ilə Diaspora Beynəlxalq Qısa Film Festivalı, kifayət qədər rəqabətli seçimlərdən sonra tamaşaçı qarşısına çıxıb. İlk ilində 6 qitədən ümumi 3123 filmin müraciət etdiyi və 24 filmin finalist olmağa haqq qazandığı festival, 27-29 Avqust tarixlərində İstanbul Atlas Kinoteatrında təşkil edilib.

Türk dilli filmlər kateqoriyasında azərbaycanlı rejissor Nazim Şərbətovun ərsəyə gətirdiyi qısametrajlı “28” filmi də finala vəsiqə qazanıb. Film Hollandiyada yaşayan jurnalist Xatirə Sərdarqızının 28 il sonra Şuşaya qayıdışının hekayəsini və müharibə nəticəsində aldığı uşaqlıq travmasından bəhs edir. Qeyd edək ki, film Azərbaycan Respublikasının Diasporla İş üzrə Dövlət Komitəsinin dəstəyi ilə hazırlanıb.

Atlas kinoteatrında nümayiş etdirilən “28” filmi tamaşıçılar tərəfindən maraqla qarşılanıb. Filmin nümayişindən sonra rejissor Nazim Şərbətov film və Qarabağ haqqında sualları cavablandırıb. Filmin qəhrəmanının real həyatda da əslən Şuşadan olduğunu və 1-ci Qarabağ müharibəsində yurd-yuvasından köçmək məcburiyyətində qaldığını qeyd edən rejissor, qəhrəmanın uşaq vaxtı travmalar, psixoloji sarsıntılar yaşadığını söyləyib. “Bu hekayədə müharibənin insanlar və uşaqların üzərində nə kimi travmalara səbəb olduğunu göstərmək istədik,” deyən Nazim Şərbətov, işğaldan azad olunan bölgələrə gedərək müharibənin yaratdığı dəhşətli izləri göstərmək istədiyini qeyd edib.

Festival çərçivəsində bir sıra müxtəlif tədbirlər və görüşlər təşkil edilib. Kino tənqidçiləri və təcrübəli rejissorlar iştirakçılarla görüşərək fikir mübadiləsi aparıb. Festival konsert proqramı və mükafatların təqdim edilməsi ilə yekunlaşıb.

# 2109 dəfə oxunub

Oxşar xəbərlər

Mübariz Tağıyev:  "Onun oğlunun toyunda oxumağım üçün bir maşınlıq pul təklif etdilər" - Müsahibə

Mübariz Tağıyev: "Onun oğlunun toyunda oxumağım üçün bir maşınlıq pul təklif etdilər" - Müsahibə

15:50 7 aprel 2025
Xalq artisti xəstəxanaya yerləşdirilib? - Açıqlama

Xalq artisti xəstəxanaya yerləşdirilib? - Açıqlama

15:48 7 aprel 2025
Mədəniyyət Nazirliyində yeni təyinat

Mədəniyyət Nazirliyində yeni təyinat

15:22 7 aprel 2025
Azərbaycan rejissorunun filmləri İsraildə

Azərbaycan rejissorunun filmləri İsraildə

15:19 7 aprel 2025
"Molla Nəsrəddin" necə Allahsızlar İttifaqının orqanına çevrildi?

"Molla Nəsrəddin" necə Allahsızlar İttifaqının orqanına çevrildi?

14:19 7 aprel 2025
Azərbaycan Radiosunun tarixi - İlham Rəhimli

Azərbaycan Radiosunun tarixi - İlham Rəhimli

13:56 7 aprel 2025
#
#
# # #