8 Martda doğulan kişilərin özəlliyi

8 Martda doğulan kişilərin özəlliyi
8 mart 2020
# 12:31

Bu günə kişilərin qadınlar qarşısında imtahan günü də demək olar. Sevginin, hörmətin, diqqətin dəyərin ölçü günüdür. Bir də 8 Martda doğulan kişilər var.

Bu gündə doğulan kişilərə patriarxal cəmiyyətdə nələr hiss etdirildiyini düşünmüsünüz? Damdan düşən Molla Nəsrəddinin sözü olmasın, “damdan düşənin halını, damdan düşən anlayar”. İndi 8 Mart günü dünyaya gələn kişilərin nə hiss etdiklərini ən yaxşı onunla eyni taleyi yaşayan kişilər anlayar.

8 Mart günü anadan olmuş sinif yoldaşım var idi. Oğlanlar qızlara hədiyyə alanda ona da alırdılar deyə, psixoloji travma yaşayırdı. Hirslənirdi, ağlayırdı, söyürdü...

Bir kişinin 8 Mart günü dünyaya gəlməsi uşaqlıq, yeniyetməlik dövründə bəla, gənclik və ailə həyatı qurduğu dövrlərində isə avantajdır. Təsəvvür edin, həyat yoldaşınız 8 Martda dünyaya gəlib və siz ondan hədiyyə tələb etməyə bir az abır-həya edirsiniz. Bütün kişilər bir həftə, hətta bir ay əvvəldən bu günə hazırlıq görəndə, əllərində gül-çiçək küçələrdə əsir-yesir olanda, 8 Martda dünyaya gələn kişilər daha rahat olur. Hamı onları təbrik edir və hədiyyə alır. Nəyi pisdi ki?

Bu gün dünyaya gələn məşhur kişilər isə qadınlar üçün hədiyyə hesab olunur.

Azərbaycanın görkəmli aktyoru Ağadadaş Qurbanov 8 Mart günü dünyaya gəlib.

Gallery

8 martda doğulan digər azərbaycanlı məşhur kişi yazar Məmməd Süleymanovdur. O doğum gününün 8 marta təsadüf etməsini özəllik hesab edir: “Bəxtim gətirib ki, bu gündə dünyaya gəlmişəm. Udmuşam da demək olar. Çünki mən bu günü başqa kişilərdən fərqli olaraq qadınlar gününü yox öz ad günümü qeyd edirəm”.

Gənclik illərində xanımını 8 Mart münasibəti ilə təbrik etsə də, artıq uzun müddətdir bu təbriki ixtisara saldığını deyir.

Gallery

“Kor ərəbin mahnısı” ilə məşhurluq əldə edən tanınmış xanəndə Məmmədəli Əliyev də 8 Mart günü doğulub. Onunla bağlı maraqlı faktlardan biri də odur ki, xanəndənin həyat yoldaşı da 8 Mart günü anadan olub. Amma sənətkar ad gününü qeyd etməyi sevməzmiş.

Gallery

Sovet teatrının və kinosunun seks simvolu Andrey Mironov əslində martın 7-də dünyaya gəlsə də, valideynləri onun doğum tarixini sənədlərdə 8 mart olaraq yazdırıblar. Sonralar onun haqqında deyirdilər:

“O anası, üç həyat yoldaşı, iki qız övladı və saysız xanım pərəstişkarları üçün bir hədiyyədir”.

Gallery

Rusiyanın tanınmış aktyorlarından olan Viktor Dobronov da 8 Martda doğulan məşhur kişilərdəndir. Aktyor doğum gününü bu günə təsadüf etməsini bir şans olaraq dəyərləndirir. Bildirir ki, onunla eyni taleyi yaşayan həmcinslərinin əksəriyyətindən fərqli olaraq dostlarının onunla bu günlə bağlı qadınsayağı zarafatlarından qətiyyən incimirdi. O məktəb illərində hər il oğlanların ona 8 Mart yazılı açıqca hədiyyə etdiklərini deyib gülür:

"Bir düşünün doğum günün elə əlamətdar bir gündədir ki, heç kim unutmur. Təbii ki, 8 Mart səhər saatlarından etibarən telefonlar susmur. Çünki hamı mənim ad günümü xatırlayır. Bir kişinin Beynəlxalq Qadınlar Günündə dünyaya gəlməsi çox əyləncəlidir”.

Gallery

Məşhur amerikalı aktyorlar Nik Zano və Ceyms Van Der Bik də Beynəlxalq Qadınlar Günü dünyaya gələn məşhurlardandır.

Gallery

Ceyms Van Der Bik qadınlar günündə dünyaya gəlməsi ilə fəxr edir: “Doğum günümü qadınlarla bölüşmək mənim üçün şərəfdir”.

Gallery

Tanınmış İspan aktyoru Fransisko Rabal, Hind aktyoru Fardin Xan, dünya şöhrətli Alman bəstəkarı Emmanuel Bax, XX əsrin məşhur rus yazıçısı İvan Stadnyuk da 8 Mart Beynəlxalq Qadınlar Günü dünyaya gələn məşhur kişilərdəndir.

Gallery

Gallery

# 5233 dəfə oxunub

Oxşar xəbərlər

Laçında IX “Muğam” Televiziya Müsabiqəsinin final mərhələsi -  Qaliblər məlum oldu - Yenilənib

Laçında IX “Muğam” Televiziya Müsabiqəsinin final mərhələsi - Qaliblər məlum oldu - Yenilənib

18:00 25 avqust 2025
Akademik Zemfira Səfərovanın təqdimatında:  "Azərbaycan musiqisinin patriarxı Üzeyir Hacıbəyli"

Akademik Zemfira Səfərovanın təqdimatında: "Azərbaycan musiqisinin patriarxı Üzeyir Hacıbəyli"

16:20 25 avqust 2025
Keçmiş gəmi kapitanı:  "İran şahının oğluna dedim ki, gəmi özün kimi qocadır" - Müsahibə

Keçmiş gəmi kapitanı: "İran şahının oğluna dedim ki, gəmi özün kimi qocadır" - Müsahibə

15:15 25 avqust 2025
Rəsul Rzanın əsərindəki qəhrəmanın adını daşıyan görkəmli  aktrisa - O, kimin arzusu ilə səhnəyə çıxmışdı?

Rəsul Rzanın əsərindəki qəhrəmanın adını daşıyan görkəmli aktrisa - O, kimin arzusu ilə səhnəyə çıxmışdı?

15:00 25 avqust 2025
90-cı illərin  məfkurə məsələsinə konseptual yanaşan alim  - Yaşar Qarayevin "Yaddaş konsepsiyası" özündə nəyi ehtiva edirdi?

90-cı illərin məfkurə məsələsinə konseptual yanaşan alim - Yaşar Qarayevin "Yaddaş konsepsiyası" özündə nəyi ehtiva edirdi?

14:55 25 avqust 2025
Su gətirin Arazımı söndürməyə... - Davud Nəsib

Su gətirin Arazımı söndürməyə... - Davud Nəsib

14:20 25 avqust 2025
Ana səhifə Yazarlar Bütün xəbərlər