4500 ildən sonra Giza piramidalarında daha bir sirr üzə çıxdı

Media

Ana səhifə
Media

4500 ildən sonra Giza piramidalarında daha bir sirr üzə çıxdı

6 mart 2023

12:40

Misirin paytaxtı Qahirədə yerləşən əzəmətli Giza piramidalarında 9 metr uzunluğunda gizli dəhliz tapılıb.

Kulis.az xəbər verir ki, Xeops Piramidası olaraq da bilinən Böyük Giza Piramidası yeni kəşflə dünya gündəminə düşüb. Araşdırmalar çərçivəsində Giza Piramidasının əsas girişinin üstündə gizli dəhlizin olduğu aşkar edilib. İlk dəfə 2016-cı ildə diqqət çəkən dəhliz "muoqrafiya" adlı görüntüləmə texnikası ilə kəşf edilib.

Giza piramidalarında endoskopik xəritələrlə nümayiş etdirilən 9 metr uzunluğunda və 2,1 metr enində olan dəhliz piramidada hələ kəşf edilməmiş bir otağa açıla bilər. Piramidanın girişindəki təzyiqi azaltmaq üçün tikildiyi də düşünülən dəhliz sirr olaraq qalır.

Qeyd edək ki, kamera ilə əldə edilən görüntülər Misirdə keçirilən mətbuat konfransı vasitəsilə ictimaiyyətə açıqlanıb. Dəhlizin kobud yonulmuş daş bloklardan ibarət divarı və günbəzli tavanı olması diqqəti çəkib. Misirin Qədim Mədəni İrsin Qorunması üzrə Ali Şuranın sədri Mustafa Vəziri bu sirri tezliklə ortaya çıxaracaqlarını qeyd edib.