“Mənim balaca Şahzadəm” qısametrajlı animasiya filmi beynəlxalq festivalın qalibidir.

Kulis.az xəbər verir ki, “Azanfilm” Animasiya Studiyasının istehsalı olan “Mənim balaca Şahzadəm” (“My little prince”) qısametrajlı animasiya filmi Cənubi Koreyada keçirilən 8th Seoul Guro International Kids Film Festivalında BRIGHT FUTURE (Parlaq gələcək) nominasiyasının qalibi olub.

Covid-19 pandemiyası ilə əlaqədar bu il onlayn formada keçirilən festivalın mükafatlandırma mərasimi iyulun 8-i Cənubi Koreya saatı ilə 18:00-da başlayacaq.

• AKİ gənc rejissorlar üçün sənədli film təlimləri təşkil edir
• Azərbaycanlı şair və xanımı həbs olundu
• Qlastonberi Festivalında kimlər çıxış edəcək?

Mədəniyyət Nazirliyinin sifarişi ilə “Azanfilm” Studiyasında ərsəyə gələn filmin quruluşçu rejissoru Arif Məhərrəmov, bədii rəhbəri Elçin Əfəndiyev, ssenari müəllifi İman İsmayıl, quruluşçu rəssamı Amil Quliyev, bəstəkarı Azər Hacıəsgərli, səsləndirmə üzrə rejissoru Mehriban Zəki, prodüseri Müşfiq Hətəmovdur.

Qeyd edək ki, M.Ələkbərlinin “Balaca şahzadə” əsərinə həsr etdiyi yağlı boya ilə işlənmiş tabloların təsviri filmdə animasiya hissələrinin tərkibində verilmişdir. Rəssam M.Ələkbərlinin Ekzupirinin “Balaca şahzadə” əsəri haqqında düşüncə və duyğularının, 3d animasiya stili ilə təsviri əlaqələndirilməsi yeni bir stilistika ərsəyə gətirib.

• AKİ gənc rejissorlar üçün sənədli film təlimləri təşkil edir
• Azərbaycanlı şair və xanımı həbs olundu
• Qlastonberi Festivalında kimlər çıxış edəcək?