Yaponiyanın məşhur detektiv yazıçısı Keqo Hiqaşino iyulun 23-də 68 yaşında yoğun bağırsaq xərçəngindən vəfat edib.
Kulis.az xəbər verir ki, bu barədə Yaponiyanın "NHK" telekanalı məlumat yayıb.
1958-ci ildə Osaka prefekturasında anadan olan Hiqaşino Osaka Prefektura Universitetində elektrik mühəndisliyi ixtisası üzrə təhsil alıb. O, 1985-ci ildə debüt romanı kimi nəşr olunan "Dərsdən sonra" əsərinə görə Edoqava Rampo mükafatını qazanıb.
1999-cu ildə Hiqaşino "Naoko" əsərinə görə Yaponiya Detektiv Yazıçıları Mükafatına, 2006-cı ildə isə "Şübhəli X-in fədakarlığı" əsərinə görə Naoki mükafatına layiq görülüb.
Qeyd edək ki, Hiqaşino 2023-cü ildə özünün 100-cü kitabını nəşr etdirib. Həmin vaxta qədər onun əsərlərinin Yaponiyadakı ümumi satışı 100 milyon nüsxəni keçmişdi. Yazıçının kitabları dünyanın 41 ölkə və regionunda nəşr olunub.
