Oğru adlandırılan şair danışdı: “Olur belə şeylər"

Oğru adlandırılan şair danışdı: “Olur belə şeylər"
23 avqust 2019
# 15:07

“Şöhrətli adamlarla bütün dünyada belə davranırlar”.

Kulis.az-da yayımlanan İlham Qəhrəmanın “Oğru şairlər” məqaləsi qalmaqala səbəb olub. Belə ki, yazısında Yafəs Türksəsi oğru şair adlandırıb. “Qu quşu” şeirimin misralarını olduğu kimi işlədib - deyən İlham Qəhrəmana cavab Yafəs Türksədən gəlib.

O Kulis.az-a açıqlamasında bunları deyib:

“Feysbuk profilimdə paylaşdığım bir şeirdə, şüuraltı olaraq şair İlham Qəhrəmanın bir fikri sızıb. Şeiri paylaşan kimi, yazıçı dostum Şərif Ağayar etirazını bildirdi. Dedi ki, şeirdəki filan fikir İlham Qəhrəmanın filan şeirində var. Mən də dərhal həmin misranı, həmin fikri şeirimdən çıxartdım.”

Daha sonra əlavə edib:

“Sosial şəbəkədə olan dostlarımın şeirini hansı məntiqlə oğurlayıb paylaşmaq olar ki?! Nəysə, İlham bəy mənə deməmiş, qaçıb Kulis.az-da haray salıb. Məni oğru şairlərin siyahısının başına keçirib. İlham Qəhrəmanı qınamıram, şöhrətli adamlarla bütün dünyada belə davranırlar. Olur belə şeylər”.

# 1178 dəfə oxunub

Müəllifin son yazıları

# # #