Vyetnam müharibəsində iştirak edən tanınmış dublyajçı vəfat etdi

Vyetnam müharibəsində iştirak edən tanınmış dublyajçı vəfat etdi
11 noyabr 2026
# 12:27

"Disney"in 1942-ci ildə çəkilmiş "Bambi" animasiyasında gənc maralı səsələndirən və sonradan ABŞ Dəniz Piyadaları Korpusunda qəhrəmanlıq göstərən Donni Danaqan 92 yaşında ağciyər xərçəngindən dünyasını dəyişib.

Kulis.az xəbər verir ki, sənətçinin vəfat xəbərini "CelebWorx" agentliyi təsdiqləyib.

1934-cü ildə doğulan Danaqan uşaq ikən "Son of Frankenstein", "Tower of London" və nəhayət "Bambi" filmlərində rol alaraq şöhrət qazanıb. Lakin 18 yaşında aktyorluq fəaliyyətini dayandıraraq hərbi xidmətə yollanıb.

O, ABŞ Dəniz Piyadaları Korpusunun tarixində ən gənc təlim təlimatçısı olub.

Sənətçi Vyetnam müharibəsində 3 hərbi missiyada iştirak edib.

Xidmət zamanı göstərdiyi şücaətə görə "Tunc ulduz" və yaralanan hərbçilərə verilən "Bənövşəyi ürək" ordeni ilə təltif edilib.

O, 1977-ci ildə Mayor rütbəsi ilə ordudan təqaüdə çıxıb.

# 405 dəfə oxunub

Müəllifin son yazıları

Ana səhifə Reels Yazarlar Xəbərlər