"Biz təbiəti izah edirik, insanı isə anlamağa borcluyuq..." - Alman filosofdan deyimlər

"Biz təbiəti izah edirik, insanı isə anlamağa borcluyuq..." - Alman filosofdan deyimlər
19 noyabr 2026
# 15:33

Kulis.az tanınmış alman filosof Vilhelm Diltheyin əsərlərindən diqqətçəkən sitatları təqdim edir.

Daxildən yaşanan təcrübə hissiyyatın xarici dünyası üçün formalaşdırılmış anlayışlarla təsnif edilə bilməz.

***

Biz təbiəti izah edirik, insanı isə anlamağa borcluyuq.

***

Yaşanan təcrübədə qavranılan obyektlə onu qavrayan göz arasında fərq yoxdur.

***

Paradoks həqiqətin xüsusiyyətidir.

***

Biz sırf əqli proseslər vasitəsilə izah edirik, lakin qavrayışda zehnin bütün qüvvələrinin birgə fəaliyyəti vasitəsilə anlayırıq.

***

Cəmiyyəti idarə edən qüvvələrin, onun sarsıntılarını doğuran səbəblərin və sağlam tərəqqini dəstəkləyən ictimai resursların dərki sivilizasiyamız üçün həyati əhəmiyyət kəsb edən məsələyə çevrilib.

***

Rasional psixologiyanın substansiya təlimində adekvat elmi ifadəsini tapa bilməyən yaşanan təcrübələr yeni və daha yaxşı metodların işığında təsdiqini tapdı.

***

Bütün metafizikanı və dini parçalayan tarixi relyativizmin bıçağı sağalmanı da gətirməlidir.

***

Əgər fiziki dünyadakı bütün dəyişiklikləri atomların hərəkətinə - həmin atomların sabit nüvə qüvvələri vasitəsilə yaranan hərəkətlərə müncər edə bilsək, bütün dünyanı təbiət elmləri vasitəsilə dərk etmək olardı.

***

Real həyat prosesində iradə, hiss və düşüncə sadəcə müxtəlif cəhətlərdir.

Türk dilindən tərcümə etdi: Aydan Ağayeva

# 337 dəfə oxunub

Müəllifin son yazıları

#
#
Ana səhifə Reels Yazarlar Xəbərlər