Koronovirus pandemiyası ilə əlaqədar elan olunmuş xüsusi karantin günlərində Mədəniyyət Nazirliyinin tövsiyəsi əsasında Akademik Milli Dram Teatrının həyata keçirdiyi tamaşaların onlayn nümayişi davam edir.
Teatrın mətbuat xidmətindən Kulis.az-a verilən məlumata görə, əvvəlcədən müəyyən edilmiş virtual repertuara uyğun olaraq, saat 12:00 və 19:00-da facebook sosial şəbəkəsində təqdim olunan səhnə əsərlərinə böyük maraq var. Tamaşalar ölkə daxilində olan teatrsevərlərlə bərabər Amerika, Türkiyə, Rusiya, İsrail, İngiltərə, Almaniya və başqa ölkələrdə yaşayan soydaşlarımız tərəfindən də izlənilir. Mart ayında böyüklər üçün “Hamlet, “Ah, Paris, Paris”, “Ölülər”, “Hələ sevirəm deməmişdilər”, “Qarabağnamə”, uşaqlar üçün “Tülkü, tülkü, tünbəki, “Buratino”, “Çipallino” tamaşaları nümayiş olunub.
Teatr aprel ayı üçün də virtual repertuarını hazırlayıb. Aprel ayında ümumilikdə 30 tamaşanın nümayişi planlaşdırılır.
Teatrdan bildirilib ki, bu, “Evdə qal, özünü və yaxınlarını qoru”, “Biz birlikdə güclüyük” şüarları ilə həyata keçirilən sosial izolyasiya tədbirlərinə mədəniyyət ocağının rəhbərliyinin və kollektivinin mənəvi dəstəyidir.
Qeyd edək ki, Akademik Milli Dram Teatrı onlayn tamaşalarını “Sənət maneə tanımır” sloqanı ilə təqdim edir.
1 Aprel 19:00 “ Köhnə ər “ Ə. Əmirli
2 Aprel 19:00 “Xəcalət” H. Mirələmov
3 Aprel 19:00 “Müfəttiş” M.V. Qoqol
4 Aprel 19:00 “Xanuma” A. Saqareli
5 Aprel 19:00 “Cuppolino” C. Rodari
6 Aprel 19:00 “Şah Qacar” Ə. Əmirli
7 Aprel 19:00 “Yaşar” C. Cabbarlı
8 Aprel 19:00 “Vəsiyyət” H. Mirələmov
10 Aprel 19:00 “Cəhənnəm sakinləri” Elçin
11 Aprel 19:00 “Nazirin xanımı” B. Nuşiç
12 Aprel 12:00 “Boy çiçəyi” İ. Əfəndiyev
12 Aprel 19:00 “Buzlar ölkəsində”
13 Aprel 19:00 “Müsyö Jordan və Dərviş Məstəli Şah” M. F. Axundov
14 Aprel 19:00 “Özümüzü kəsən qılınc” B. Vahabzadə
15 Aprel 19:00 “Sinif yoldaşları” Yş. Polyakov
16 Aprel 19:00 “Bir iki bizimki” K. Abdulla
17 Aprel 19:00 “Mənim ərim dəlidir” Elçin
18 Aprel 19:00 “Aydın” C. Cabbarlı
19 Aprel 12:00 “Beffan nənələr”
19 Aprel 19:00 “Almaz” C. Cabbarlı
