Kulis.az Bayram Mustafazadənin şeirlərini təqdim edir.
Küləklər nəfəsindir,
Gecələr saçların,
Ay üzün.
Nəfəsini küləkdən alıram,
Gecələri sığallayıb
Aya baxıram.
Bir bilsən...
Bir bilsən nələr çəkirəm,
Külək əsməyəndə,
Gecə olmayanda,
Ay çıxmayanda...
***
Hər gün
Ağlaya-ağlaya
Allahdan səni istəmək
Mənə gələn yollarına
su səpməkdir,
toz olmasın...
***
Mən.
Sən..
Sevgi...
Sən.
Sən..
Sevgi...
Sən.
Sən..
Sən...
***
Hər günüm
aya dönər,
Hər ayım ilə..
Gələrsən,
Gələrsən,
Çaya dönüb axıb
gedər uzaqlara
Bütün sənsizliklərim..
**
Sevgi bir qadını
yaşamaqdır
Aldığın hər nəfəsdə,
Sevdiyin hər kəsdə,
Gördüyün hər şeydə....
***
Sənə xəstə olmaq
Səhərlər heç vaxt
yatmadığın yataqda
sənin qoxunu
almaqdır...
Gecələr səssizcə
adını duaya çevirib
Allaha pıçıldamaqdır
Sənə xəstə olmaq....
Sənə xəstə olmaq
Qadınlarla sosial
məsafəni saxlamaqdır.
Qadınlarla göz
təmasından qaçmaqdır
Sənə xəstə olmaq...
***
Sən
Allahın mənə
göndərdiyi sevginin
qadın rəsmisən
boyasız...
amma
gözəl...
