Ailə-məişət mövzusunda film çəkilir - FOTO

Ailə-məişət mövzusunda film çəkilir - FOTO
5 iyul 2016
# 17:10

Ailə-məişət mövzusunda yeni bir film çəkilir.

Kulis.Az-ın vediyi məlumata görə, AYB üzvü, Sankt-Peterburq Dövlət Mədəniyyət və İncəsənət İnstitutunun tələbəsi Səidə Haqverdiyevanın “Qara qızın qara bəxti” hekayəsinin motivləri əsasında çəkilən film “Xoşbəxt olun” adlanır.

Tammetrajlı bədii filmin quruluşçu rejissoru və ssenari müəllifi Səidə Haqverdiyeva, quruluşçu operatoru Rəşad Qarayev, quruluşçu rəssamı İqbal Əliyev, rejissoru Jalə Rəhimli, operatoru Elvin Mustafayev, rəssamı Cavid Hüseynov, geyim üzrə rəssamı Könül Vəlibəylidir.

Yaxın keçmişə nəzər salan ailə-məişət mövzulu tragikomik filmdə qızların ərə getməməsi və ailələrdə sırf bu səbəbdən yaranan mənəvi-psixoloji problemlər ön plana çəkilib.

Film 6 qızı olan və oğul dünyaya gətirmək üçün ümidini falçılara bağlayan ananın, həmçinin qızlarının ərə getməməsinə görə həmkəndlilərinin gülüş hədəfinə çevrilən, buna görə özünü bədbəxt hiss edən atanın dramını anladır.

Filmdə əsas rollarda Əməkdar artist Sevinc Sarıyeva, aktyorlar Ülviyyə Əliyeva, Məhərrəm Qurbanov, Cavid Telman, Rəsmiyyə Nurməmmədova, Könül Şahbazova, Elnur Əliyev, Elxan İsmayılov, Zemfira Əbdülsəmədova, Hüsniyyə Əhmədova, Vüsal Hüseynov, Aybəniz Bağırova və Gülnarə Abdullayeva çəkiliblər.

Çəkilişləri Tərtər, Cəlilabad, Şamaxı, eləcə də Bakıda baş tutan film beynəlxalq festivallara göndəriləcək.

Ekran işinin yaxın vaxtlarda yerli nümayişi də nəzərdə tutulur.

# 1695 dəfə oxunub

Oxşar xəbərlər

Kinotənqidçilər və Kinoşünaslar Gildiyasının mükafatına namizədlər

Kinotənqidçilər və Kinoşünaslar Gildiyasının mükafatına namizədlər

17:40 3 aprel 2025
“Hal” filmi təqdim edilib

“Hal” filmi təqdim edilib

09:49 3 aprel 2025
Filmimiz beynəlxalq mükafata layiq görüldü

Filmimiz beynəlxalq mükafata layiq görüldü

12:01 1 aprel 2025
Ərindən ayrılan Meqan Foksun övladı dünyaya gəldi

Ərindən ayrılan Meqan Foksun övladı dünyaya gəldi

15:00 29 mart 2025
O, Cavid Təvəkkülü kinoya yenidən qaytardı - Sevda Sultanova

O, Cavid Təvəkkülü kinoya yenidən qaytardı - Sevda Sultanova

12:30 27 mart 2025
"Ona yüksək qonorar vəd etmişdilər" - Səməndər Rzayev niyə Riqaya getmədi?

"Ona yüksək qonorar vəd etmişdilər" - Səməndər Rzayev niyə Riqaya getmədi?

10:00 27 mart 2025
#
#
# # #