Xəbər verildiyi kimi, gələn ilin sentyabrından bütün ali məktəblərdə İslam dini və digər dinlər haqqında icbari dərs keçiriləcək.
Kulis.az məsələ ilə bağlı ilahiyyatçı Elşad Miri ilə əlaqə saxlayıb. E. Miri dini tədris haqda bunları söyləyib:
“Mənim bu məsələ haqqında təfsilatı ilə xəbərim yoxdur. Yadımdadır ki, o vaxt İslam dininin tədrisi ilə əlaqəli Rafiq Əliyev bir dərslik hazırlamışdı, Təhsil Nazirliyi də bunu təsdiq etmişdi. Lakin bəzi şəxslər buna etiraz etdikləri üçün gündəmdən düşmüşdü. Əgər yenə belə bir təşəbbüs varsa, bunu sadəcə alqışlamaq lazımdır. Ancaq mənim demək istədiyim bir məsələ var. Həmin o tədris ənənəvi şəkildə aparılmasın. İnsanları mövhumata, xurafata cəlb etməsin. Şagirdləri əzbərçilikdən uzaqlaşdırılsın, sinxron tarix verilməklə üstündən keçilməsin. Elə bir tədris olsun ki, şagirdlərdə analiz qabiliyyəti yaransın və onların dini dünya görüşünün formalaşmasına kömək olsun.
Əgər din tədris olunacaqsa, təbii ki, dinlə bağlı terminlərə də burda geniş yer ayırılmalıdır. Şagir dinlə bağlı terminləri – ateizm, aqnostizm, deizm və s. eşidirsə gərək onun nə olduğunu öyrənsin”.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
