Anam öləndən sonra... – Səfər Alışarlının unuda bilmədiyi hadisə

Ədəbi tənqid

Ana səhifə
Ədəbi tənqid

Anam öləndən sonra... – Səfər Alışarlının unuda bilmədiyi hadisə

Anam öləndən sonra... – <span style="color:red;">Səfər Alışarlının unuda bilmədiyi hadisə

21 iyul 2016

12:00

Kulis.Az "Unuda bilmirəm" layihəsində Səfər Alışarlının xatirəsini təqdim edir.

Yaddaşımda daim yaşayan elə anlar çoxdur. Mən onlardan üçünü bədii yazıda improvizə eləmişəm. Hələ çap olunmayıb deyə açıqlamıram. Məsələn, başqa birisi: 60-cı illərin ortalarında ölkədə güclü yağ qıtlığı vardı, atam haradansa bir qutu kərə yağı alıb gətirmişdi, anam da onu bəxtəvərcəsinə həyətdə qaladığı ocağın üstündə əridirdi. Axşam mal-qaranın çöldən gələn vaxtıydı, anam tez-tez ora-bura qaçırdı və əlüstü geri qayıdıb qazana baxırdı ki, yağ daşmasın. Axırda necə oldusa, anam gecikdi və qaynar yağ əməllicə daşıb oda töküldü. Atam xeyli deyindi ki, bu yağı almaq üçün o, kimlərə ağız açıb, anam isə çox peşmanlıq keçirdi. Bir-iki il sonra anam rəhmətə gedəndə, bu hadisə iki saat əvvəl olubmuş kimi mənim yaddaşımda təzə idi. Xeyli sonralar mən bu hadisəni atama da danışdım. O xatırlamırdı.