Qazaxıstanın paytaxtı Nur-Sultanda IV Beynəlxalq Avrasiya Kitab Sərgisi (Eurasian Book Fair-2019) keçirilir.

13 ölkədən 90 şirkətin iştirak etdiyi sərginin açılışında çıxış edən Qazaxıstanın mədəniyyət və idman naziri Arıstanbek Muxamedulı hər il ənənəvi təşkil edilən sərgisinin əhəmiyyətini vurğulayıb.

Sərgidə ölkəmizin Qazaxıstandakı səfiri Rəşad Məmmədov 650 illik yubileyi qeyd olunan Azərbaycan şairi Nəsimi haqda danışıb.

Sərgidə Qazaxıstan Milli Akademik Kitabxanasında saxlanılan nadir kitablar və əlyazmalar nümayiş olunub. Bunlardan ən çox maraq doğuran antropodermik cildləmə - (insan dərisindən hazırlanan kitab cildləmə) XVI əsrə aid olan əlyazmadır.

Qazaxıstan Milli Akademik Kitabxanasının nadir kitablar bölməsinin müdiri Daurenbekova Dariqa Azərtaca müsahibəsində bildirib ki, üz qabığı insan dərisindən olan kitab 2004-cü ildə kitabxanaya kitabsevər tərəfindən təqdim olunub. Qədim latın əlifbası ilə yazılan bu kitab molekulyar ekspertizadan keçdikdən sonra üz qabığının insan dərisindən olduğu təsdiqlənib. Kitabın 16 səhifəsinin oxunduğunu söyləyən D.Dariqa digər səhifələrin oxunması üzərində iş aparıldığını bildirib. Əlyazısı olan kitabın oxunması üçün Fransada Mətnlərin Öyrənilməsi Tarixi İnstitutuna müraciət olunub. Məlum olub ki, kitaba Şimali İtaliyada notariat məntəqəsinin qeydləri yazılıb.

Milli Akademik Kitabxana 325 səhifədən ibarət olan bu kitabın kağızının ekspertizasını etdirməyi planlaşdırır. Dünyada 10 ədəd olan bu kitablar məşhur kitabxanalarda saxlanılır ki, onlar tibb, anatomiya elmi əsərlərində istifadə edilib.

Sərgi çərçivəsində sabah Azərbaycan guşəsinin açılışı olacaq.

• Nicat Kazımov: "Oğlum üçün işləsəm, daha yaxşı olar" - Müsahibə
• Sanki hamilə qadınlar ürəyimdə zəfəran arıtlayırlar... - Qulamrza Borusanın şeirləri
• "Bundan sonrakı ömür nə bir qadına, nə bir inanca..." - Əlibala Əhmədovun şeirləri